ఈ మేరకు సింగిల్ జడ్జి ఉత్తర్వులపై స్టే విధిస్తూ న్యాయస్థానం కీలక నిర్ణయం వెలువరించింది.

హైడ్రా కమిషనర్ నియామకం, బాధ్యతల నిర్వహణకు సంబంధించి దాఖలైన పిటిషన్‌ను విచారించిన సింగిల్ జడ్జి బెంచ్.. రంగనాథ్‌ను ఆ పదవి నుంచి తొలగించాలని ఆదేశాలు జారీ చేసింది. అయితే ఈ ఆదేశాలను సవాలు చేస్తూ ప్రభుత్వ తరఫున, సంబంధిత వర్గాలు వెంటనే హైకోర్టు డివిజన్ బెంచ్‌ను ఆశ్రయించి అప్పీల్ దాఖలు చేశాయి. సింగిల్ బెంచ్ ఇచ్చిన తీర్పులోని అంశాలను పునఃపరిశీలించాలని కోర్టును కోరాయి.

ఈ అప్పీల్‌పై విచారణ చేపట్టిన హైకోర్టు డివిజన్ బెంచ్.. సింగిల్ బెంచ్ జారీ చేసిన తొలగింపు ఉత్తర్వులను నిలిపివేస్తూ మధ్యంతర ఉత్తర్వులు జారీ చేసింది. దీంతో హైడ్రా కమిషనర్‌గా రంగనాథ్ తన విధులను యథావిధిగా కొనసాగించేందుకు మార్గం సుగమమైంది. ఈ కేసుకు సంబంధించిన తదుపరి పూర్తి స్థాయి విచారణను హైకోర్టు నవంబర్ 3వ తేదీకి వాయిదా వేసింది. నగరంలో చెరువులు, ప్రభుత్వ స్థలాల పరిరక్షణ దిశగా హైడ్రా దూకుడుగా వ్యవహరిస్తున్న తరుణంలో హైకోర్టు డివిజన్ బెంచ్ ఇచ్చిన ఈ నిర్ణయం అత్యంత ప్రాధాన్యతను సంతరించుకుంది