ఇప్పుడు దర్శకుడు బుచ్చి బాబు సనా విషయంలో కూడా అలాంటి చర్చలే సోషల్ మీడియాలో జోరుగా వినిపిస్తున్నాయి. ముఖ్యంగా ఆయన తెరకెక్కించిన తాజా చిత్రం 'పెద్ది' ట్రైలర్ విడుదలైన తర్వాత ఈ చర్చ మరింత వేగం అందుకుంది.

ఆయన మెగా పవర్ స్టార్రామ్ చరణ్ హీరోగా 'పెద్ది' అనే భారీ చిత్రాన్ని తెరకెక్కిస్తున్నారు. ఈ సినిమాపై ఇప్పటికే అభిమానుల్లో భారీ అంచనాలు నెలకొన్నాయి. గ్రామీణ నేపథ్యంలో, బలమైన భావోద్వేగాలతో పాటు మాస్ అంశాలను మిళితం చేస్తూ ఈ చిత్రాన్ని రూపొందిస్తున్నట్లు ట్రైలర్ చూస్తే అర్థమవుతోంది. ఇటీవల విడుదలైన ట్రైలర్‌కు ప్రేక్షకుల నుంచి మంచి స్పందన లభించింది. ముఖ్యంగా రామ్ చరణ్ లుక్, డైలాగ్ డెలివరీ, బ్యాక్‌గ్రౌండ్ స్కోర్ సినిమాపై మరింత ఆసక్తిని పెంచాయి.

ఈ చిత్రంలో బాలీవుడ్ నటి జాన్వీ కపూర్ హీరోయిన్‌గా నటిస్తోంది. ట్రైలర్‌లో ఆమె కనిపించిన కొన్ని సన్నివేశాలు ఇప్పుడు సోషల్ మీడియాలో హాట్ టాపిక్‌గా మారాయి. ముఖ్యంగా హీరోయిన్ పాత్రను చూపించిన తీరు చూసి కొందరు ప్రేక్షకులు దర్శకుడు బుచ్చి బాబు తన గురువు సుకుమార్ శైలిని అనుసరించారని అభిప్రాయపడుతున్నారు. గతంలో సుకుమార్ దర్శకత్వంలో వచ్చిన 'రంగస్థలం' సినిమాలో సమంత పాత్రను ఎంతో సహజంగా, గ్రామీణ వాతావరణానికి దగ్గరగా చూపించిన విషయం తెలిసిందే. ఆ సినిమాలో సమంత కనిపించిన కొన్ని సన్నివేశాలు అప్పట్లో ప్రత్యేక చర్చకు దారితీశాయి. ఆమె హావభావాలు, వస్త్రధారణ, గ్రామీణ యువతిగా చూపించిన తీరు ప్రేక్షకులను బాగా ఆకట్టుకుంది.

ఇప్పుడు 'పెద్ది' ట్రైలర్‌లో కూడా జాన్వీ కపూర్‌ను కొన్ని సన్నివేశాల్లో అదే తరహా నేటివిటీతో, గ్రామీణ శైలిలో చూపించడం వల్ల ఈ పోలికలు వస్తున్నాయని నెటిజన్లు అభిప్రాయపడుతున్నారు. ముఖ్యంగా