యంగ్‌ రెబల్‌స్టార్‌ ప్రభాస్‌ ప్రస్తుతం జిల్‌ ఫేం దర్శకుడు రాధాకృష్ణ మోహన్‌తో కలిసి పని చేస్తున్నారు. వారిద్దరి కాంబినేషన్‌లో త్వరలో రాధేశ్యామ్‌ రాబోతుంది. ఇదొక రొమాంటిక్‌ లవ్‌స్టోరీ. అందులో పూజా హెగ్డె హీరోయిన్‌గా నటిస్తున్నారు. రాధేశ్యామ్‌ తర్వాత మహానటి ఫేం నాగ్‌ అశ్విన్‌ దర్శకత్వంలో నటించనున్నారు. ఈ సినిమా సైన్సు ఫిక్షన్‌ డ్రామా నేపథ్యంలో రానునుంది. ఈ చిత్రానికి నిర్మాతగా వైజయంతీ మూవీస్‌ అధినేత అశ్వినీదత్‌ వ్యవహరించనున్నారు.

పద్మావత్‌ ఫేం దీపికా పదుకొనే హీరోయిన్‌గా నటించనుంది. ఈ పెద్ద బడ్జెట్‌ సినిమా పాన్‌ ఇండియా చిత్రంగా రానుంది. తాజాగా ప్రభాస్‌ తన 22వ సినిమాను కేజీఎఫ్‌ డైరెక్టర్‌ ప్రశాంత్‌ నిల్‌ దర్శకత్వంలో నటించనున్నారని తెలుస్తోంది.