పన్ను చెల్లింపుదారులకు మరోసారి బంపర్‌ ఆఫర్ ప్రకటించింది జీహెచ్ఎంసీ. పన్ను వసూళ్లను వేగిరం చేసేందుకు పెద్ద ఎత్తున ప్రొత్సాహాకాలను ప్రకటిస్తోంది. ఈకోవలోనే 2020 -21 ఏడాదికి సంబంధించిన పన్ను చెల్లింపుదారులు ఈ నెల 31 లోపు చెల్లిస్తే 90 శాతం వడ్డి మినహాయింపునివ్వనున్నట్లు ఒక ప్రకటనలో పేర్కొంది. ప్రభుత్వ ఆదేశాల ప్రకారం 2020 సెప్టెంబర్ 9 నుంచి అక్టోబర్ 31 వరకు 45 రోజుల పాటు వన్ టైం స్కీం (ఓటీఎస్)ను జీహెచ్ఎంసీ అధికారులు అమలు చేశారు. ఆ తర్వాత నవంబర్ 15 వరకూ పొడగిస్తూ నిర్ణయం తీసుకున్నారు. జీహెచ్ఎంసీ కమిషనర్ గతేడాది డిసెంబర్ 28న రాసిన లేఖకు స్పందిస్తూ ఓటీఎస్‌ను మరోసారి అమలు చేసేందుకు ఎంఏయూడీ అంగీకరించింది.