రాష్ట్రంలో కరోనా విజృంభిస్తుంది.. రోజురోజుకు పాజిటివ్ కేసుల సంఖ్య పెరుగుతుంది. దీంతో కరోనా వ్యాప్తిని తగ్గించేందుకు ప్రభుత్వం కఠిన చర్యలు తీసుకుంటుంది. మాస్క్ ధరించనివారికి రూ.వెయ్యి ఫైన్ విధిస్తూ నిర్ణయం తీసుకున్న ప్రభుత్వం, నైట్ కర్ఫ్యూ సైతం విధించింది. రాత్రి 8గంటల వరకు మాత్రమే దుకాణాలకు అనుమతించిన ప్రభుత్వం, రాత్రి 9 తరువాత రోడ్లపై ఎవరూ కనిపించొద్దని ఆదేశాలు జారీ చేసింది. ప్రభుత్వ నిర్ణయంతో ఈసీ సైతం ప్రస్తుతం జరుగుతున్న రెండు కార్పొరేషన్‌, ఐదు మున్సిపాలిటీ ఎన్నికల్లో ప్రచారానికి నిబంధనలు విధించింది. సాయంత్రం 6గంటల వరకే బహిరంగ సభలు నిర్వహించుకోవాలని, 8గంటల వరకు ప్రచారం పూర్తిచేసుకోవాలని సూచించింది.