Monday, 05 Feb, 5.49 am ఎ పి హెరాల్డ్

ముఖ్యాంశాలు
మేజర్ల పెళ్లిపై సుప్రీం సంచలన తీర్పు

ఈ మద్య యువత ఎక్కువ శాతం ప్రేమ వివాహాలవైపే మొగ్గు చూపిస్తున్నారు. అయితే ప్రేమ వివాహాలు మాత్రం పెద్దలు పూర్తిగా వ్యతిరేకిస్తున్నారు. తాము చిన్ననాటి నుంచి ఎంతో మురిపంగా పెంచుకున్న పిల్లలు తమ ఇష్టానుసారంగా ప్రవర్తిస్తూ..ఎవరినో అనామకులను ప్రేమించి పెళ్లి చేసుకోవడం వల్ల తమ కుటుంబం తలదించుకోవాల్సి వస్తుందని..అలాంటి ప్రేమ వివాహాల వల్ల తమ స్టేటస్ మంటకలిసి పోతుందని వ్యతిరేకిస్తున్నారు. తాజాగా వయసొచ్చిన ఇద్దరు వ్యక్తులు.. పెళ్లికి ఎవరి అనుమతి తీసుకోవాల్సిన అవసరం లేదంటూ సుప్రీంకోర్టు తీర్పునిచ్చింది.

మొన్నటి వరకు పెళ్లికి కులాలు, మతాలు అడ్డు అని, పెద్దల అంగీకారంతోనే పెళ్లిల్లు జరగాలంటూ చాలా కండీషన్లు ఉండేవి. పెళ్లీడు వయసొచ్చిన ప్రతి అమ్మాయి, అబ్బాయి వారి వారికి నచ్చిన ఏ వ్యక్తినైనా పెళ్లిచేసుకునే అవకాశం ఉందని, ఈ విషయంలో ఎవరూ కూడా జోక్యం చేసుకోవాల్సిన అవసరం లేదంటూ సుప్రీంకోర్టు ఛీఫ్ జస్టిస్ దీపక్ మిశ్రా తీర్పునిచ్చారు.

అయితే ఈ మద్య ప్రేమించుకున్న నేరానికి ఎంతో మంది తమ ప్రాణాలు కోల్పోవాలసి వస్తుందని..ఇటీవలే 23 ఏళ్ల హిందు అబ్బాయి.. వెస్ట్ ఢిల్లీలో ముస్లిం ప్రేయసి బంధువులు దాడిచేసి, చంపేసిన ఘటన అందరికీ తెలిసిందే. ఈ ఘటనపై హర్యానాలోని శక్తివాహిని అనే సంస్థ, కాపు పంచాయత్ గ్రూపు కులాంతర వివాహాలపై సుప్రీంకోర్టులో పిటీషన్ దాఖలు వేసారు.

ఈ నేపథ్యంలో సుప్రీంకోర్టు ఆ పిటీషన్ పై విచారణ చేసి కులాలు, మతాలు అనేవి పరిగణలోకి తీసుకోవడం లేదని.. పెళ్లి అనేది ఇద్దరు వ్యక్తుల నిర్ణయమని వ్యాఖ్యానించింది. అందులో మంచి, చెడు గురించి మాత్రం సూచనలు ఇవ్వాలిగానీ.. ఎలాంటి జోక్యం చేసుకోకూడదని సుప్రీంకోర్టు తీర్పునిచ్చింది.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Telugu Ap Herald
Top