చిత్తూరు జిల్లా ఐరాల మండలం చుక్క వారి పల్లి సమీపంలోని శ్రీ సిద్ధగిరి క్షేత్రం శ్రీ భగవాన్ రామతీర్థ సేవాశ్రమం లో అచ్యుతానంద స్వామీజీ అనుమానాస్పద మృతి సంచలనంగా మారింది. గుర్తు తెలియని దుండగుల్లో ఒకరు సామిజీని హత మార్చినట్లు అదే ఆశ్రమంలోని మహిళా వృద్ధురాలు చెప్పారు. ఆ దుండగుడు తనపై కూడా అత్యాచారయత్నానికి ప్రయత్నించినట్లు ఆమె చెప్పడం గమనార్హం. తప్పించుకుని ముళ్లపొదల్లో దాక్కున్నా అని ఆమె అన్నారు. స్వామీజీ అనుమానాస్పద మృతిలో మరో కోణం కనపడుతుంది.

శ్రీవారి భక్తులకు అన్నదానం చేసేందుకు అచ్యుతానంద స్వామి కొనుగోలు చేసిన భవన వివాదమే ఆయన ప్రాణం తీసిందని సోదరుడు ఆరోపణలు చేస్తున్నారు. శ్రీవారి భక్తులకు అన్నదానం కేంద్రాన్ని ఏర్పాటు చేసేందుకు పూతలపట్టు మండలం లోని మిట్టూరు వద్ద ఒక భవనాన్ని స్వామీజీ కొనుగోలు చేసారు.