డాషింగ్ డైరెక్టర్ పూరి జగన్నాథ్, సెన్సేషనల్ స్టార్ విజయ్ దేవరకొండ కాంబినేషన్లో సినిమా తెరకెక్కుతున్న సంగతి తెలిసిందే. గత ఏడాది ప్రారంభమైన ఈ చిత్రం లాక్ డౌన్ కారణంగా షూటింగ్ వాయిదా పడింది. అందువల్ల ఈ సినిమాకు సంబంధించి ఏ విధమైన అప్డేట్ వెలువడలేదు. దాంతో ఈ సినిమా నుండి సాలిడ్ అప్డేట్ కోసం రౌడీ ఫ్యాన్స్ ఎంతగానో ఎదురు చూశారు. ఎందుకంటే హీరోలను ఓ రేంజ్ లో చూపించే మాస్ డైరెక్టర్ పూరి జగన్నాథ్.. ఇక విజయ్ దేవరకొండ గురించి ప్రత్యేకంగా చెప్పాల్సిన అవసరం లేదు.

అర్జున్ రెడ్డి సినిమాతో మాస్ లోను, యూత్ లోనూ బీభత్సమైన ఫాలోయింగ్ ను సంపాదించుకున్నాడు. ఒక్క సినిమాల పరంగానే కాక తన డిఫరెంట్ ఆటిట్యూడ్ తో కూడా అభిమానులను సంపాదించుకున్నాడు విజయ్..