తాజా అసెంబ్లీ ఎన్నికల్లో ఆయన పార్టీ ఘనవిజయం సాధించడం రాజకీయ వర్గాలను ఆశ్చర్యానికి గురి చేసింది. అధికార డీఎంకే పార్టీని గట్టిగా ఎదుర్కొని, 108 స్థానాల్లో విజయదుంధుభి మోగించడం ద్వారా తమిళనాడు రాజకీయాల్లో కొత్త అధ్యాయాన్ని ప్రారంభించాడు. ఈ విజయంతో త్వరలోనే ముఖ్యమంత్రిగా బాధ్యతలు చేపట్టనున్నట్టు సమాచారం.

ఈ నేపథ్యంలో ఆంధ్రప్రదేశ్‌కు చెందిన మాజీ మంత్రిరోజా చేసిన వ్యాఖ్యలు ఇప్పుడు పెద్ద ఎత్తున చర్చకు దారి తీస్తున్నాయి. ఆమె మాట్లాడుతూ, విజయ్ ఎన్నికల ప్రచారం చాలా ప్రత్యేకంగా ఉండిందని, అది సామాన్య ప్రజలతో పాటు చదువుకున్న వర్గాలపై కూడా బలమైన ప్రభావాన్ని చూపిందని అభిప్రాయపడ్డారు. సాధారణంగా ఒక పార్టీకి కొత్తగా వచ్చిన నాయకుడు ఇంత భారీ స్థాయిలో విజయాన్ని సాధించడం అరుదైన విషయమని, ఇది రాజకీయ చరిత్రలో నిలిచిపోయే ఘట్టమని ఆమె పేర్కొన్నారు.రోజా మరింతగా మాట్లాడుతూ, ఈ విజయానికి మరో ముఖ్య కారణంగా

జగన్ తో ఉన్న అనుబంధాన్ని కూడా ప్రస్తావించారు. జగన్ మోహన్ రెడ్డి చిత్రాలతో ప్రచారం చేయడం ద్వారా కొంతమేరకు ప్రజల్లో విశ్వాసాన్ని పెంచుకున్నారని ఆమె అభిప్రాయపడ్డారు. జగన్‌ను అనుసరించే నాయకత్వ శైలి విజయ్‌లో కనిపిస్తోందని, అదే ఆయనను ఇతరుల కంటే ప్రత్యేకంగా నిలబెట్టిందని ఆమె వ్యాఖ్యానించారు.

అలాగే, ప్రారంభం నుంచే విజయ్ రాజకీయాల్లో పెద్ద మార్పు తీసుకురావగలడనే నమ్మకం తనకు ఉందని రోజా వెల్లడించారు. అతను ఒంటరిగానే పోటీ చేసి ఈ స్థాయిలో విజయాన్ని అందుకోవడం ద్వారా 'కింగ్ మేకర్'గా కాకుండా, స్వయంగా నాయకుడిగా ఎదిగాడని ఆమె అభివర్ణించారు. ప్రజల సమస్యలను అర్థం చేసుకుని, సరైన విధానాలతో ముందుకు వెళ్లడం వల్లే ఈ విజయం సాధ్యమైందని ఆమె అభిప్రాయపడ్డారు.ఇప్పుడీ వ్యాఖ్యలు సోషల్ మీడియాలో వైరల్ అవుతూ, రాజకీయ చర్చలకు మరింత ఊపునిస్తున్నాయి.