టాలీవుడ్, బాలీవుడ్ ప్రేక్షకులకు సుపరిచితురాలైన స్టార్ హీరోయిన్ కియారా అద్వానీ.. ఏం మాట్లాడినా అది క్షణాల్లో సోషల్ మీడియాలో వైరల్ అవుతుంది. ప్రస్తుతం నటుడు సిద్ధార్థ్ మల్హోత్రాతో సంతోషకరమైన వైవాహిక జీవితాన్ని గడుపుతున్న ఈ బ్యూటీ, తాజాగా తన కూతురి భవిష్యత్తు, డేటింగ్ సంస్కృతిపై చేసిన కొన్ని బోల్డ్ కామెంట్స్ ఇండస్ట్రీలో తీవ్ర దుమారాన్ని రేపుతున్నాయి.

ఈ సందర్భంగా భవిష్యత్తులో తన కూతురు సరయా రిలేషన్‌షిప్స్ విషయంలో మీరెలా వ్యవహరిస్తారు అనే ప్రశ్న కియారాకు ఎదురైంది. దానికి ఆమె స్పందిస్తూ..

'నా కూతురికి మేము ఎలాంటి రూల్స్ పెట్టము. ఆమె ఒకరితోనే కాకుండా జీవితంలో ఎంతమందితోనైనా డేటింగ్ చేయొచ్చు, ఆఖరికి పెళ్లి చేసుకోకపోయినా మాకు ఎలాంటి అభ్యంతరం లేద. ఎందుకంటే 'డేటింగ్ చేసిన ప్రతి ఒక్కరినీ పెళ్లి చేసుకోవాలనే నియమం లేదు. ఎదిగే క్రమంలో మనం పెట్టుకునే సంబంధాలు మనకు ఎన్నో పాఠాలను నేర్పిస్తాయి, ఒక మంచి మనిషిగా మనల్ని మారుస్తాయి. జీవితాన్ని పూర్తిగా అనుభవించాలి, ఇందులో ప్రతి ఒక్కరూ పొరపాట్లు చేస్తారు.. వాటి నుంచే నేర్చుకుంటారు. నా విషయంలో కూడా అలాగే జరిగింది, చివరికి సిద్ధార్థ్ రూపంలో నాకు సరైన వ్యక్తి దొరికాడు' అని కియారా చెప్పుకొచ్చారు. కూతురి విషయంలో తాము ఒక స్నేహితురాలిగా ఉంటామని ఆమె స్పష్టం చేశారు. కానీ

కియారా అద్వానీ మాట్లాడిన ఈ వీడియో ఇంటర్నెట్‌లో వైరల్ కావడంతో నెటిజన్లు ఆమెపై తీవ్రంగా మండిపడుతున్నారు. “సెలబ్రిటీలు పబ్లిక్ ప్లాట్‌ఫామ్స్‌లో మాట్లాడేటప్పుడు భారతీయ సంస్కృతిని గుర్తుంచుకుని, కొంచెం బాధ్యతగా మాట్లాడాలి” అని కొందరు హితవు పలుకుతుండగా.. “సమాజానికి ఇలాంటి పశ్చాత్య సంస్కృతిని (Western Tradition) అలవాటు చేయకండి” అని మరికొందరు ఆగ్రహం వ్యక్తం చేస్తున్నారు. అయితే, కియారా కేవలం ఒక తల్లిగా తన కూతురి వ్యక్తిగత స్వేచ్ఛ గురించి మాత్రమే మాట్లాడిందని ఆమె అభిమానులు మద్దతుగా నిలుస్తున్నారు.