సౌత్ ఇండియన్ సినిమాలో మ్యూజిక్ సెన్సేషన్ అనిరుధ్ రవిచందర్ ప్రస్తుతం టాప్ గేర్‌లో దూసుకెళ్తున్నాడు. నేచురల్ స్టార్ నాని నటిస్తున్న తాజా చిత్రం 'ది ప్యారడైజ్'కు కోసం అనిరుధ్ ఏకంగా 15 కోట్ల రూపాయల రెమ్యునరేషన్ తీసుకున్నట్లు వార్తలు రావడం ఇప్పుడు ఫిలిం నగర్‌లో హాట్ టాపిక్‌గా మారింది.

ఈ భారీ మొత్తం ఆయనకున్న క్రేజ్‌ను మరియు మార్కెట్ డిమాండ్‌ను స్పష్టం చేస్తోంది. అనిరుధ్ సంగీతం ఉంటే సినిమా ఆల్బమ్ చార్ట్‌బస్టర్ అవ్వడమే కాకుండా, ఓపెనింగ్స్ కూడా భారీగా వస్తాయని నిర్మాతలు నమ్ముతున్నారు.

​దసరా వంటి బ్లాక్ బస్టర్ తర్వాత నాని – శ్రీకాంత్ ఓదెల కాంబినేషన్‌లో వస్తున్న ఈ సినిమాపై భారీ అంచనాలు ఉన్నాయి. ఇప్పటికే విడుదలైన 'ఆయా షేర్' సాంగ్ సోషల్ మీడియాలో మిలియన్ల వ్యూస్‌తో ట్రెండ్ అవుతోంది. ఈ చిత్రంలో కాయదు లోహర్, రాఘవ్ జుయల్ కీలక పాత్రలు పోషిస్తున్నారు. జవాన్, లియో, జెర్సీ వంటి చిత్రాలతో తనకంటూ ప్రత్యేక బ్రాండ్‌ను క్రియేట్ చేసుకున్న అనిరుధ్, ఇప్పుడు 'ది ప్యారడైజ్' తో టాలీవుడ్‌లో అత్యధిక పారితోషికం అందుకుంటున్న సంగీత దర్శకుడిగా సరికొత్త రికార్డు సృష్టిస్తున్నారు.

​పాన్ ఇండియా స్థాయిలో రూపుదిద్దుకుంటున్న ఈ చిత్రం ఆగస్ట్ 21, 2026న విడుదల కానుంది. నాని మాస్ లుక్, శ్రీకాంత్ ఓదెల డైరెక్షన్, మరియు అనిరుధ్ బిజిఎమ్ తో 'ది ప్యారడైజ్' బాక్సాఫీస్ వద్ద పక్కా హిట్ కొడుతుందని ఫ్యాన్స్ ధీమా వ్యక్తం చేస్తున్నారు. అనిరుధ్ చేతిలో ప్రస్తుతం జననాయగన్, కింగ్ వంటి మరిన్ని భారీ ప్రాజెక్టులు కూడా ఉన్నాయి.

The publish ప్యారడైజ్ కోసం అనిరుధ్ రెమ్యూనరేషన్ అంతా..? first gave the impression on Newest Telugu Film Information, Opinions, OTT, OTT Opinions, Rankings.