మే 20న మ్యాన్ ఆఫ్ మాసెస్ ఎన్టీఆర్ బర్త్‌డే కానుకగా, ప్రశాంత్ నీల్ దర్శకత్వంలో వస్తున్న 'డ్రాగన్' చిత్రం నుండి ఫస్ట్ గ్లింప్స్ విడుదల కానుంది.

అయితే, ఈ వీడియో ఏకంగా 4 నిమిషాల 35 సెకన్ల లెంగ్తీ రన్‌టైమ్‌తో రాబోతుండటం సినీ వర్గాల్లో హాట్ టాపిక్‌గా మారింది. సాధారణంగా ట్రైలర్లు కూడా ఇంత నిడివి ఉండవు, కానీ ఒక గ్లింప్స్‌ను ఈ స్థాయిలో ప్లాన్ చేయడం అందరినీ ఆశ్చర్యపరుస్తోంది.

'సలార్' చిత్రంలో క్యారెక్టర్ల ఎక్కువై ప్రేక్షకులు కొంత గందరగోళానికి గురయ్యారు. ఆ తప్పు 'డ్రాగన్' విషయంలో రిపీట్ కాకూడదని ప్రశాంత్ నీల్ ఈ మాస్టర్ ప్లాన్ వేశాడు. ఈ లెంగ్తీ గ్లింప్స్ ద్వారా సినిమాలోని సరికొత్త మాఫియా ప్రపంచాన్ని, అక్కడి భౌగోళిక పరిస్థితులను, పాత్రల మధ్య సంఘర్షణను ముందే ప్రేక్షకులకు స్పష్టంగా పరిచయం చేయనున్నారు. ఒక రకంగా ఇది సినిమా కథలోకి తీసుకెళ్లే ఒక ‘సినిమాటిక్ ప్రొలాగ్’ లాగా సాగనుంది.

మరోవైపు, ఇటీవల ఎన్టీఆర్ బాగా బరువు తగ్గడంతో ఆయన లుక్‌పై ఫ్యాన్స్‌లో కొన్ని సందేహాలు రేగాయి. అయితే, ఈ గ్లింప్స్‌లోని మాస్ ఎలివేషన్ సీన్స్, ఎన్టీఆర్ స్టైలింగ్ ఆ అనుమానాలన్నింటికీ గట్టి సమాధానం ఇస్తాయని చిత్ర యూనిట్ ధీమాగా ఉంది. ప్రశాంత్ నీల్ మార్క్ వరల్డ్ బిల్డింగ్‌తో రాబోతున్న ఈ విజువల్ ట్రీట్ కోసం మే 20న అభిమానులు ఎంతో ఆసక్తిగా ఎదురుచూస్తున్నారు.