మెగా పవర్ స్టార్ Ram Charan కెరీర్‌లో Peddi సినిమా అత్యంత కీలకంగా మారింది. ఈ సినిమా ఫలితమే ఆయన పాన్ ఇండియా స్థాయిని మరింత బలపరుస్తుందా లేదా అన్నది నిర్ణయించే అంశంగా మారుతోంది.

సౌత్‌లో ఇప్పటికే మంచి స్టార్డమ్ ఉన్నప్పటికీ, దేశవ్యాప్తంగా స్థిరమైన మార్కెట్‌ను నిలబెట్టుకోవాలంటే ఈ సినిమా విజయమే కీలకం అని ట్రేడ్ వర్గాలు భావిస్తున్నాయి.

ప్రస్తుత పరిస్థితుల్లో పాన్ ఇండియా స్టార్ అనిపించుకోవడం అంటే అన్ని ప్రాంతాల్లోనూ బలమైన కలెక్షన్లు రావడం అత్యంత అవసరం. ముఖ్యంగా హిందీ మార్కెట్‌లో కనీసం ₹100-₹120 కోట్ల నెట్ వసూళ్లు సాధిస్తేనే Peddi సేఫ్ జోన్‌లోకి వెళ్లే అవకాశముందని విశ్లేషణలు సూచిస్తున్నాయి. ఆ స్థాయి విజయాన్ని అందుకుంటే రామ్ చరణ్ పాన్ ఇండియా ఇమేజ్ మరింత బలపడుతుంది.

అయితే ఈసారి మొత్తం బాధ్యత రామ్ చరణ్‌పై మాత్రమే లేదనే అభిప్రాయం వినిపిస్తోంది. ఇప్పటికే విడుదలైన పాటలు, ఆయన చేసిన బాడీ ట్రాన్స్‌ఫర్మేషన్, డ్యాన్స్‌లు, స్క్రీన్ ప్రెజెన్స్- ఇవి అన్నీ చూస్తే తనవంతు కృషిని పూర్తి స్థాయిలో చేశాడనే సంకేతాలు కనిపిస్తున్నాయి. దీనికి అదనంగా ఈ మూవీ కి హెవి బజ్, భారీ అంచనాలు ఎక్కువ స్థాయి లో ఉన్నాయి. వీటన్నిటిని అధిగమించే ఒత్తిడి కూడా ఇప్పుడు బుచ్చిబాబు కు అదనం అయింది. ఇప్పుడు ప్రేక్షకులు ఎదురుచూస్తున్నది కథలో బలం, స్క్రీన్‌ప్లేలో పట్టుదల, మొత్తంగా సినిమాకి ఉన్న "దమ్ము".