రీసెంట్ గా తమిళ హీరో, టీవీకే అధ్యక్షుడు విజయ్ తో ఆమె ఓ వేడుకకు హాజరు కావడం దక్షిణాదిన తీవ్ర చర్చనీయాంశమైంది.

ఎన్నో రూమర్లు సైతం సోషల్ మీడియా అంతటా చక్కర్లు కొట్టాయి. ఈక్రమంలో ఆమె దేనికీ స్పందించలేదు. కానీ.. ఇప్పుడు సోషల్ మీడియా వేదికగా ఆమె చేసిన పోస్ట్ వార్తల్లో నిలుస్తోంది. ప్రేమకు సంబంధించిన ఓ కోటేషన్ ను త్రిష పోస్టు చేశారు. 'ప్రతిదీ ప్రేమ కాదు. కానీ, ప్రేమ లేకపోతే దేనికీ అర్థం లేదు' అని అర్ధం వచ్చేలా 'ఫ్యాక్ట్' (వాస్తవం) అని పోస్ట్ చేశారు. ప్రస్తుతం ఈ పోస్ట్ వైరల్ అవుతోంది. తన వ్యక్తిగత జీవితానికి సంబంధించి ఈ పోస్ట్ అయ్యుంటుదనే కామెంట్స్ కూడా రౌండ్ అవుతున్నాయి.

రాజకీయాలకు సంబంధం లేకున్నా ప్రస్తుత తమిళనాడు రాజకీయాల్లో ఆమె పేరు వార్తల్లో నిలుస్తోంది. ప్రస్తుతం త్రిష తెలుగులో మెగాస్టార్ చిరంజీవితో 'విశ్వంభర', తమిళంలో సూర్యతో ఓ సినిమా, మలయాళంలో మోహన్ లాల్ తో 'రామ్'లో నటిస్తున్నారు. కెరీర్ మొదలుపెట్టి 23ఏళ్లు దాటినా ఇంకా హీరోయిన్ గా బిజీగా ఉండటం విశేషం.