పుట్టపర్తిలో ఏర్పాటు కానున్న ఏఎంసీఏ (అడ్వాన్స్డ్ మీడియం కంబాట్ ఎయిర్క్రాఫ్ట్) స్టెల్త్ ఫైటర్ జెట్ ప్రాజెక్ట్ ఉమ్మడి అనంతపురం జిల్లా చరిత్రనే మార్చబోతుందని మంత్రి Nara Lokesh అన్నారు.
ఈ ప్రాజెక్టుతో రాయలసీమలో భారీ స్థాయిలో పెట్టుబడులు, ఉద్యోగ అవకాశాలు, పారిశ్రామిక అభివృద్ధి రానున్నాయని ఆయన పేర్కొన్నారు. పుట్టపర్తిలో జరిగిన ఏఎంసీఏ ప్రాజెక్ట్ శంకుస్థాపన కార్యక్రమంలో ముఖ్యమంత్రి N. Chandrababu Naidu, కేంద్ర రక్షణ మంత్రి Rajnath Singhతో కలిసి లోకేష్ పాల్గొన్నారు.
ఈ సందర్భంగా మాట్లాడిన లోకేష్.. భగవాన్ Sathya Sai Baba ఆశీస్సులతో పుట్టపర్తి ఇప్పుడు భారత రక్షణరంగంలో కొత్త శక్తికేంద్రంగా మారుతోందన్నారు. గతంలో కియా పరిశ్రమను తీసుకొచ్చి అనంతపురం అభివృద్ధికి దారి తీసిన చంద్రబాబు, ఇప్పుడు ఫైటర్ జెట్ పరిశ్రమల ద్వారా మరోసారి రాయలసీమకు కొత్త దిశ చూపిస్తున్నారని కొనియాడారు. ఉమ్మడి అనంతపురం జిల్లాలో ఎన్డీఏకు వచ్చిన భారీ ప్రజాభిమానానికి ఇది రిటర్న్ గిఫ్ట్ అని వ్యాఖ్యానించారు.
ఆంధ్రప్రదేశ్లో ప్రస్తుతం "డబుల్ ఇంజన్ బుల్లెట్ ట్రైన్ సర్కార్" నడుస్తోందని లోకేష్ అన్నారు. ప్రధాని Narendra Modi, రాజ్నాథ్ సింగ్, చంద్రబాబు ముగ్గురి నాయకత్వంతో రాష్ట్రానికి భారీ ప్రాజెక్టులు వస్తున్నాయని చెప్పారు. గూగుల్ డేటా సెంటర్, ఆర్సెలార్ మిట్టల్ పెట్టుబడులు, అమరావతి, పోలవరం నిధులు, విశాఖ రైల్వే జోన్ వంటి అనేక అభివృద్ధి కార్యక్రమాలు ఈ సమన్వయంతోనే సాధ్యమయ్యాయని వివరించారు. 23 నెలల్లో స్పీడ్ ఆఫ్ డూయింగ్ బిజినెస్లో ఆంధ్రప్రదేశ్ దేశానికి ఆదర్శంగా నిలిచిందన్నారు.
ఏఎంసీఏ ప్రాజెక్ట్లో భాగంగా డీఆర్డీఓ, ఏరోనాటికల్ డెవలప్మెంట్ ఏజెన్సీ, హిందూస్థాన్ ఏరోనాటికల్స్ లిమిటెడ్ వంటి సంస్థలు భాగస్వామ్యం అవుతున్నాయని లోకేష్ తెలిపారు. భారత్ ఫోర్జ్, భారత్ డైనమిక్స్, హెచ్ఎఫ్సీఎల్, ప్రీమియర్ ఎక్స్ప్లోసివ్స్ వంటి ప్రముఖ కంపెనీలు కూడా పెట్టుబడులు పెట్టనున్నాయని చెప్పారు. ఇక్కడ 5వ తరం స్టెల్త్ మల్టీ రోల్ ఫైటర్ జెట్లు తయారు చేయనున్నట్లు వెల్లడించారు.
ఈ ప్రాజెక్ట్ వల్ల స్థానిక యువతకు వేల సంఖ్యలో ఉద్యోగ అవకాశాలు లభిస్తాయని, రాబోయే రోజుల్లో డిఫెన్స్ ఎక్విప్మెంట్ ఎగుమతుల కేంద్రంగా పుట్టపర్తి ఎదగనుందని అన్నారు. ఒక్క కియా పరిశ్రమతోనే అనంతపురం అభివృద్ధి చెందిందని, ఇప్పుడు ఏఎంసీఏతో ఉమ్మడి అనంతపురం జిల్లా రాష్ట్ర అభివృద్ధిలో నెంబర్ వన్గా నిలుస్తుందని విశ్వాసం వ్యక్తం చేశారు.
ఈ ప్రాజెక్ట్ కోసం ముఖ్యమంత్రి చంద్రబాబు ప్రత్యేకంగా కృషి చేశారని లోకేష్ చెప్పారు. 2025లో ఢిల్లీలో రాజ్నాథ్ సింగ్ను కలిసి ఏఎంసీఏ ప్రాజెక్ట్ను ఆంధ్రప్రదేశ్కు ఇవ్వాలని కోరిన విషయాన్ని గుర్తుచేశారు. పరిశ్రమల మంత్రి టీజీ భరత్తో కలిసి ప్రభుత్వం నిరంతరం ప్రయత్నాలు చేయడంతోనే ఈ ప్రాజెక్ట్ రాష్ట్రానికి దక్కిందన్నారు.
చివరగా ప్రధాని మోదీ, రక్షణ మంత్రి రాజ్నాథ్ సింగ్లకు ప్రత్యేక ధన్యవాదాలు తెలిపిన లోకేష్.. పుట్టపర్తి ఇక ఆధ్యాత్మిక నగరమే కాకుండా భారత రక్షణ రంగ భవిష్యత్తు కేంద్రంగా మారబోతోందన్నారు. ఇదే సమయంలో వైఎస్సార్ కాంగ్రెస్ పార్టీపై కూడా ఆయన రాజకీయ విమర్శలు చేశారు.