తెలంగాణలో నిర్మాతలు - థియేటర్ యజమానుల మధ్య జరుగుతున్న గొడవ ఇప్పుడు పెద్ద చర్చగా మారింది. ఇది నిజంగా సినిమా పరిశ్రమ సమస్యలకు పరిష్కారమా? లేక అసలు సమస్య ఎక్కడో ఉందా?

ముందు చాలా సింపుల్ గా అర్థం చేసుకుందాం.

ఒక థియేటర్ లో సినిమా ఆడితే వచ్చే డబ్బు ఎలా పంచుకుంటారు అన్నదానిపైనే ఈ మొత్తం వివాదం.

రెంటల్ మోడల్ అంటే?:

ఈ విధానంలో నిర్మాత లేదా డిస్ట్రిబ్యూటర్, థియేటర్ కి ఒక ఫిక్స్‌డ్ అమౌంట్ ఇస్తారు.
సినిమా హిట్ అయినా, ఫ్లాప్ అయినా థియేటర్ కి ఆ డబ్బు వస్తుంది.

ఉదాహరణకి:
"ఈ వారం మీ థియేటర్ కి 5 లక్షలు రెంట్" అని ఫిక్స్ చేస్తారు.

సినిమా ఆడితే నిర్మాతకి లాభం.
ఆడకపోతే నిర్మాతకి నష్టం.

పర్సంటేజ్ మోడల్ అంటే?

ఇందులో టికెట్ కలెక్షన్స్ ని నిర్మాత - థియేటర్ వాళ్లు శాతాల ప్రకారం పంచుకుంటారు.

సినిమా బాగా ఆడితే ఇద్దరికీ లాభం.
ఆడకపోతే ఇద్దరికీ నష్టం.

ఇప్పుడు తెలంగాణలో చాలా థియేటర్లు "రెంటల్ వద్దు… పర్సంటేజ్ కావాలి" అంటున్నాయి.

వాళ్ల బాధ కూడా నిజమే.
కరెంట్ బిల్లులు, మెయింటెనెన్స్, స్టాఫ్ ఖర్చులు పెరిగిపోయాయి.
OTT వల్ల సినిమాల రన్ తగ్గిపోయింది.
మూడో రోజు నుంచే థియేటర్లు ఖాళీ అవుతున్నాయి.

అందుకే:
"సినిమా ఆడకపోతే మేమెందుకు ఒంటరిగా నష్టపోవాలి?" అని అడుగుతున్నారు.

ఇక్కడిదాకా బాగానే ఉంది.

కానీ ఇప్పుడు అసలు ప్రశ్న.

పర్సంటేజ్ మోడల్ ఒక్కటే సమస్యకి పరిష్కారమా?

నిజంగా కాదు.

ఎందుకంటే ఈ చర్చ మొత్తం పెద్ద స్టార్ హీరో సినిమాల చుట్టూ తిరుగుతోంది.

ఒకసారి మనమే ఆలోచించాలి.

సంవత్సరానికి ఎన్ని పెద్ద స్టార్ సినిమాలు వస్తాయి?

చాలా తక్కువ.

మరి మిగతా నెలల్లో థియేటర్లు నడిపేది ఎవరు?

చిన్న సినిమాలు.
మిడిల్ రేంజ్ సినిమాలు.
డబ్బింగ్ సినిమాలు.
హారర్ సినిమాలు.
ఫ్యామిలీ డ్రామాలు.

హైదరాబాద్ లోని పెద్ద మల్టీప్లెక్స్ కి, చిన్న టౌన్ లోని సింగిల్ స్క్రీన్ కి ఒకే లెక్క ఎలా సరిపోతుంది?

టయర్-2 టౌన్స్, చిన్న పట్టణాల్లో పరిస్థితి ఇంకా వేరు.

అక్కడ టికెట్ రేట్లు తక్కువ.
ఆడియన్స్ ఫ్లో కూడా స్థిరంగా ఉండదు.
ఒక చిన్న సినిమా 20 మంది తో షో ఆడితే, పర్సంటేజ్ మోడల్ లో థియేటర్ కి వచ్చే డబ్బు కరెంట్ బిల్ కి కూడా సరిపోకపోవచ్చు.

అప్పుడు థియేటర్లు ఏం చేస్తాయి?

"చిన్న సినిమాలు వద్దు… స్టార్ సినిమా వచ్చినప్పుడు మాత్రమే బతుకుదాం" అనే పరిస్థితికి వెళ్లే ప్రమాదం ఉంది.

అది తెలుగు సినిమా కి మంచిది కాదు.

అసలు ఇప్పుడు పరిశ్రమ పోరాడాల్సిన అసలు సమస్య ఇంకోటి.

స్టార్ హీరోలు ఎక్కువ సినిమాలు చేయాలి

ఒక స్టార్ సినిమా కోసం 2-3 సంవత్సరాలు వేచిచూడాల్సిన పరిస్థితి వచ్చింది.

ఒకప్పుడు పెద్ద హీరోలు ఏడాదికి 2-3 సినిమాలు చేసేవారు.
ఇప్పుడు ఒక సినిమా పూర్తవ్వడానికి సంవత్సరాలు పడుతున్నాయి.

దాంతో థియేటర్లకి కంటెంట్ తగ్గిపోయింది.

మరో పెద్ద సమస్య OTT:

ఇప్పుడు నిర్మాతల ఆలోచన ఇలా మారిపోయింది:

మొదటి వారం భారీ టికెట్ రేట్లు పెట్టాలి.
అంతలో ఎంత వసూలు అవుతే అంత తీసుకోవాలి.
తర్వాత త్వరగా OTT కి అమ్మేయాలి.

ఇక్కడే పెద్ద విరుద్ధం కనిపిస్తోంది.

ఒక వైపు:
"మా సినిమాకి అంత డిమాండ్ ఉంది" అని టికెట్ రేట్లు పెంచుతున్నారు.

మరో వైపు:
"ఈ సినిమా ఎక్కువ రోజులు ఆడుతుందో లేదో" అన్నట్టుగా త్వరగా OTT కి ఇచ్చేస్తున్నారు.

ఇలా చేస్తే ప్రేక్షకుడు కూడా ఏమనుకుంటాడు?