తెలుగు సినిమా ఇండస్ట్రీలో ఎన్నో కామెడీ సీన్లు ప్రేక్షకులను పొట్టచెక్కలయ్యేలా నవ్వించాయి. కానీ కొన్ని సీన్లు మాత్రం కాలంతో సంబంధం లేకుండా ఎప్పుడు చూసినా సరికొత్తగా అనిపిస్తాయి.

అలాంటి ఒక ఎవర్ గ్రీన్ అద్భుతమైన కామెడీ సీన్ గురించి ఇప్పుడు మాట్లాడుకుందాం. దర్శకుడు శ్రీను వైట్ల కామెడీ టైమింగ్ గురించి ప్రత్యేకంగా చెప్పక్కర్లేదు. ఆయన సినిమాల్లోని ప్రతి పాత్ర ఒక రేంజ్ లో పేలుతుంది. ముఖ్యంగా కింగ్ సినిమాలో హాస్యబ్రహ్మ బ్రహ్మానందం పోషించిన 'జయసూర్య' పాత్ర సృష్టించిన హంగామా అంతా ఇంతా కాదు.

ఈ సినిమాలో జయసూర్య ఒక మ్యూజిక్ డైరెక్టర్. అతని దగ్గర సింగర్ గా ఛాన్స్ కొట్టాలని త్రిష (శ్రావణి) చేసే ప్రయత్నాలు, ఆమెకు సపోర్ట్ గా కింగ్ నాగార్జున వెనక ఉండి నడిపించే డ్రామా థియేటర్లలో నవ్వుల వర్షం కురిపించింది. తాజాగా వైరల్ అవుతున్న ఈ వీడియోలో శ్రావణి త్యాగరాజ కీర్తన అయిన 'సామజవరగమనా' పాటను తనదైన స్టైల్ లో వెరైటీగా పాడుతుంది. సంప్రదాయబద్ధంగా పాడాల్సిన పాటను వెస్ట్రన్, వింత శబ్దాలతో మిక్స్ చేసి పాడటంతో అక్కడ ఉన్న వారంతా షాక్ అవుతారు.

ముఖ్యంగా జడ్జ్ సీట్లో కూర్చున్న బ్రహ్మానందం ఇచ్చే ఎక్స్ ప్రెషన్స్ ఈ సీన్ కే హైలైట్ అని చెప్పాలి. ఆమె పాడుతుంటే భరించలేక, ఏం చేయాలో తెలియక ఆయన మొహం పెట్టే తిప్పలు, చూపించే కోపం ప్రేక్షకులను కడుపుబ్బా నవ్విస్తాయి. నాగార్జున ఈ సీన్ లో బ్యాక్ గ్రౌండ్ లో ఉంటూ త్రిషను ఎంకరేజ్ చేసే విధానం, బ్రహ్మానందాన్ని బురిడీ కొట్టించే సీన్లు పర్ఫెక్ట్ కామెడీ టైమింగ్ తో సాగుతాయి. జయసూర్య క్యారెక్టర్ లో బ్రహ్మీ పలికించిన హావభావాలు నేటికీ సోషల్ మీడియాలో మీమ్స్ రూపంలో ట్రెండ్ అవుతూనే ఉన్నాయి.

ఎన్ని సంవత్సరాలు గడిచినా ఈ పాత కామెడీ క్లిప్స్ కు ఉన్న క్రేజ్ అస్సలు తగ్గలేదు. ఈ వీడియో కింద నెటిజన్లు పెడుతున్న కామెంట్లు చూస్తే బ్రహ్మానందం కామెడీ పట్ల మన ప్రేక్షకులకు ఎంతటి అభిమానం ఉందో స్పష్టమవుతుంది. జయసూర్య లాంటి క్యారెక్టర్ ను మళ్లీ స్క్రీన్ పై చూడలేకపోతున్నామంటూ అభిమానులు తమ అభిప్రాయాలను పంచుకుంటున్నారు. ఇలాంటి ఫన్నీ వీడియోల కోసం మా Teluguone youtube channelను Subscribe చేసుకోండి.