ఇటీవలే ముంబైలో 'రాకా' కొత్త షెడ్యూల్ చాలా గ్రాండ్‌గా ప్రారంభమైంది. ఈ షెడ్యూల్‌లో అల్లు అర్జున్, దీపికా పదుకొణెలపై కీలకమైన సీన్లను చిత్రీకరిస్తున్నారు. అయితే ఇక్కడే ఒక ఆసక్తికరమైన వార్త బయటకు వచ్చింది. దీపికా తన ప్రసూతి విరామానికి (Maternity Break) వెళ్లేముందు నటించే ఆఖరి షూటింగ్ షెడ్యూల్ ఇదే కావడం గమనార్హం.

అందుకే మేకర్స్ ఆమెకు సంబంధించిన సన్నివేశాలన్నీ ఏమాత్రం ఆలస్యం కాకుండా ప్రాధాన్యత ఇచ్చి చిత్రీకరిస్తున్నారు. ఆగస్టు నెలాఖరు నాటికే దీపికా పోర్షన్స్ మొత్తాన్ని పూర్తి చేసి, ఆమెకు గ్రాండ్‌గా సెండ్ ఆఫ్ ఇవ్వడానికి టీమ్ రాత్రింబవళ్లు కష్టపడుతోంది. షారుఖ్ ఖాన్‌తో తీస్తున్న 'కింగ్' సినిమా షూటింగ్‌ను ఇప్పటికే పూర్తి చేసిన దీపికా, ప్రస్తుతానికి తన పూర్తి దృష్టిని కేవలం 'రాకా'పైనే పెట్టింది. ఈ సినిమా తర్వాత మళ్లీ తన మాతృత్వపు తీపి జ్ఞాపకాలను అనుభవిస్తూ కొన్ని నెలల పాటు తన వ్యక్తిగత జీవితానికే సమయాన్ని కేటాయించబోతోంది.

తిరిగొచ్చే వరకు కొత్త ప్రాజెక్ట్‌లేవీ సైన్ చేయకూడదని నిర్ణయించుకుంది. మరొకవైపు, అల్లు అర్జున్ కూడా ఈ సినిమా విషయంలో స్పీడు పెంచేశారు. 'పుష్ప'తో గ్లోబల్ రేంజ్‌కి వెళ్లిన బన్నీ, 'రాకా' షూటింగ్‌ను వీలైనంత త్వరగా పూర్తి చేసి తన నెక్స్ట్ ప్రాజెక్ట్‌ 'AA23'కి షిఫ్ట్ అవ్వాలనే ప్లాన్‌లో ఉన్నారు. దర్శకుడు అట్లీ అయితే మరింత క్లారిటీతో ఉన్నారు.

ఎలాంటి ఆలస్యం లేకుండా డిసెంబర్ నాటికే 'రాకా' షూటింగ్‌ను ఎండ్ కార్డ్ వేయాలని టార్గెట్ సెట్ చేసుకున్నారు. సన్ పిక్చర్స్ కూడా ఎక్కడా కాంప్రమైజ్ కాకుండా భారీ బడ్జెట్‌తో ఈ విజువల్ వండర్‌ను నిర్మిస్తోంది. ఈ సినిమాలో కేవలం దీపికా మాత్రమే కాదు.. మృణాళ్ ఠాకూర్, రష్మిక మందన్న, జాన్వీ కపూర్ కూడా కీలక పాత్రల్లో నటిస్తున్నారు. షూటింగ్ మొత్తం పూర్తయిన వెంటనే అఫీషియల్‌గా సన్ పిక్చర్స్ గ్రాండ్ రిలీజ్ డేట్‌ను ప్రకటిస్తుందని సమాచారం. Raaka Movie, Allu Arjun, Deepika Padukone, Atlee