అలాంటి పెద్దలకు ప్రముఖ బ్యాంకింగ్ దిగ్గజాలు హెచ్‌డిఎఫ్‌సి బ్యాంక్ (HDFC Bank), ఫెడరల్ బ్యాంక్ (Federal Bank) బిగ్ రిలీఫ్ ఇచ్చాయి. తమ ఫిక్స్డ్ డిపాజిట్ (FD) వడ్డీ రేట్లను సవరిస్తూ నిర్ణయం తీసుకున్నాయి. రూ.3 కోట్ల కంటే తక్కువ విలువైన డిపాజిట్లపై ఈ కొత్త వడ్డీ రేట్లు వర్తిస్తాయి. దీనివల్ల రిటైర్డ్ వ్యక్తులకు, సీనియర్ సిటిజన్లకు తమ పొదుపు మొత్తాలపై మునుపటి కంటే ఎక్కువ రాబడి పొందే అద్భుతమైన అవకాశం లభిస్తోంది.

మొదటగా ఫెడరల్ బ్యాంక్ తీసుకున్న నిర్ణయాన్ని పరిశీలిస్తే, ఈ బ్యాంక్ తన సవరించిన కొత్త వడ్డీ రేట్లను ఆగస్టు 17, 2026 నుండి అమల్లోకి తెచ్చింది. సాధారణ పౌరులకు 3.00 శాతం నుండి 6.70 శాతం వరకు వడ్డీ ఇస్తుండగా, సీనియర్ సిటిజన్లకు ప్రత్యేకంగా 3.50 శాతం నుండి గరిష్టంగా 7.20 శాతం వరకు ఆకర్షణీయమైన వడ్డీ రేట్లను ప్రకటించింది. ముఖ్యంగా 48 నెలలు అంటే 4 సంవత్సరాల కాలపరిమితి కలిగిన ఫిక్స్డ్ డిపాజిట్‌పై సీనియర్ సిటిజన్లకు అత్యధికంగా 7.20 శాతం వడ్డీ లభిస్తుంది. అదేవిధంగా 15 నెలల వ్యవధి డిపాజిట్‌పై 7.15 శాతం వడ్డీని, 24 నెలల నుండి 48 నెలల లోపు వ్యవధిపై 7.00 శాతం వడ్డీని ఫెడరల్ బ్యాంక్ అందిస్తోంది. ఇక దేశంలోనే అతిపెద్ద ప్రైవేట్ రంగ బ్యాంక్ అయిన హెచ్‌డిఎఫ్‌సి బ్యాంక్ కూడా సీనియర్ సిటిజన్లకు తీపి కబురు అందించింది.

తన కొత్త ఎఫ్‌డీ రేట్లను ఆగస్టు 19, 2026 నుండి అమల్లోకి తీసుకొచ్చింది. నిర్ణీత వ్యవధిపై వడ్డీ రేటును 10 బేసిస్ పాయింట్లు అంటే 0.10 శాతం మేర పెంచింది. ఈ పెంపుతో హెచ్‌డిఎఫ్‌సి బ్యాంక్‌లో సీనియర్ సిటిజన్లకు లభించే అత్యధిక వడ్డీ రేటు 7.00 శాతం నుండి 7.10 శాతానికి చేరింది. 3 సంవత్సరాల 1 రోజు నుండి 4 సంవత్సరాల 7 నెలల వ్యవధి కలిగిన డిపాజిట్లపై సీనియర్ సిటిజన్లకు ఈ గరిష్ట 7.10 శాతం వడ్డీ లభిస్తుంది. సాధారణ పౌరులకు ఇదే వ్యవధిపై 6.50 శాతం వడ్డీ మాత్రమే అందుతుంది. senior citizens fixed deposit interest rate hike,hdfc bank fd interest rate hike senior citizens.