టీమిండియా యువ పేసర్, పంజాబ్ కింగ్స్ ఆటగాడు అర్ష్‌దీప్ సింగ్ వివాదంలో చిక్కుకున్నాడు. ముంబై ఇండియన్స్ ( ఆటగాడు తిలక్ వర్మను ఉద్దేశించి అర్షదీప్ వివాదాస్పద వ్యాఖ్యలు చేశాడు.

దీనిపై సర్వత్రా విమర్శలు వెల్లువెత్తుతున్నాయి. ఇంతకీ జరిగిందేంటంటే.. గురువారం( మే 14) ఐపీఎల్ 2026లో భాగంగా ముంబై ఇండియన్స్, పంజాబ్ కింగ్ మధ్య కీలక మ్యాచ్ ప్రారంభానికి ముందు అర్షదీప్ తిలక్ వర్మపై అనుచిత వ్యాఖ్యలు చేశాడు. అమర్యాదగా సంబోధించారు.

పంజాబ్ కింగ్స్ కు అత్యంత కీలకమైన మ్యాచ్ ప్రారంభానికి ముందు ఈ సంఘటన చోటు చేసుకుంది. తిలక్ వర్మ రంగును ఎత్తి చూపుతూ అర్షదీప్ చేసిన వ్యాఖ్యలకు సంబంధించిన వీడియో సోషల్ మీడియాలో తెగ వైరల్ అయ్యాయి. దీనిపై నెటిజనులు అర్షదీప్ సింగ్ పై ఫైర్ అవుతున్నాయి. వాస్తవానికి తిలక్ వర్మ, అర్షదీప్ సింగ్ లు మంచి స్నేహితులు..

ఆ చనువుతోనే అర్షదీప్ అలా పిలిచాడని అర్షదీప్ అభిమానులు అంటున్నా.. అతడు తిలక్ వర్మను సంబోధించిన తీరు ఏ మాత్రం సమర్ధనీయం కాదని నెటిజనులు అంటున్నారు. స్నేహితుల మధ్య సరదా సంభాషణే అయినప్పటికీ.. ఆ వ్యాఖ్యల సరికాదంటూ అర్షదీప్ ను నెటిజన్లు తప్పుపడుతున్నారు.