సేకరించిన ధాన్యాన్ని కేంద్ర ప్రభుత్వం కొనుగోలు చేస్తుందని కిషన్ రెడ్డి చెప్పారు. ధాన్యం సేకరణ చేతకాని ఈ ప్రభుత్వం కేంద్ర ప్రభుత్వంపై విమర్శలు చేస్తుందని ఆరోపించారు. ప్రతి ఏడాది ధాన్యం సేకరించకుండా రైతుల ఉసురుపోసుకుంటుందని ప్రభుత్వంపై కిషన్ రెడ్డి మండి పడ్డారు.

ఏ రాష్ట్రంలో లేని సమస్యలు...

ఏ రాష్ట్రంలో లేని సమస్యలు తెలంగాణలోనే ఎందుకు వస్తున్నాయని కిషన్ రెడ్డి ప్రశ్నించారు. ధాన్యం సేకరణపై ప్రభుత్వం వద్ద ప్లాన్ లేదన్న కిషన్ రెడ్డి ప్రభుత్వం తీరువల్లనే రైతులు ఇబ్బందులు పడుతున్నారని అన్నారు. కనీసం గన్నీ బ్యాగులు కూడా సరఫరా చేయలేని దుస్థితిలో ఈ ప్రభుత్వం ఉందని కిషన్ రెడ్డి ఆగ్రహం వ్యక్తం చేశారు. ఇతర రాష్ట్రాల్లో లేని సమస్యలు ఇక్కడే ఎందుకు వస్తున్నాయని ఆయన ప్రశ్నించారు. తమ పార్టీ నేతలు యాత్ర చేసే వరకూ ధాన్యం సేకరణపై స్పందించలేదన్నారు.