శ్రీకాంత్, లయ హీరో-హీరోయిన్లుగా, నటకిరీటి రాజేంద్ర ప్రసాద్ కీలక పాత్రలో, ప్రముఖ దర్శకుడు జి. నాగేశ్వర్ రెడ్డి దర్శకత్వంలో రూపొందిన 'మిస్టర్ మిడిల్ క్లాస్' ప్రస్తుతం థియేటర్లలో విజయవంతంగా ప్రదర్శితమవుతూ అన్ని వర్గాల ప్రేక్షకుల ప్రశంసలు అందుకుంటోంది.
విడుదలైన తొలి షో నుంచే ఈ చిత్రానికి అద్భుతమైన స్పందన లభిస్తోంది. ముఖ్యంగా హీరోకు శ్రీ వెంకటేశ్వర స్వామివారికి మధ్య వచ్చే భావోద్వేగ సన్నివేశాలు ప్రేక్షకులను ఎంతగానో ఆకట్టుకుంటున్నాయి. ఆ సన్నివేశాలకు థియేటర్లలో విశేష స్పందన లభిస్తుండగా, కామెడీ సన్నివేశాలు ప్రేక్షకులను కడుపుబ్బా నవ్విస్తున్నాయి.
మధ్యతరగతి కుటుంబాల జీవితం, వారి భావోద్వేగాలు, అనుబంధాలను హృద్యంగా ఆవిష్కరించిన ఈ చిత్రాన్ని దర్శకుడు జి. నాగేశ్వర్ రెడ్డి తనదైన శైలిలో అద్భుతంగా తెరకెక్కించారు. శ్రీకాంత్, లయ, రాజేంద్ర ప్రసాద్ తమ సహజమైన నటనతో సినిమాకు ప్రధాన బలంగా నిలిచారు. సంగీత దర్శకుడు సాయి కార్తీక్ అందించిన సంగీతం సినిమాకు మరింత బలం చేకూర్చగా, సునీల్, వెన్నెల కిషోర్, రఘుబాబు, అలీ తదితరులు తమ అద్భుతమైన కామెడీతో ప్రేక్షకులను అలరిస్తున్నారు.
ఈ చిత్రాన్ని నిర్మాతలు చందు నూతి మరియు జీకే ఎక్కడా రాజీ పడకుండా అత్యున్నత నిర్మాణ విలువలతో నిర్మించారు. ప్రతి ఫ్రేమ్లో నాణ్యత కనిపించేలా సినిమాను గ్రాండ్గా తెరకెక్కించి, ప్రేక్షకుల ప్రశంసలు అందుకుంటున్నారు. ముఖ్యంగా నిర్మాత చందు నూతి తొలి చిత్రంతోనే తన అభిరుచి, విజన్ను చాటుకోగా, నిర్మాత జీకే తన అనుభవంతో నిర్మాణానికి బలంగా నిలిచారు. ఇద్దరి సమన్వయంతో రూపొందిన 'మిస్టర్ మిడిల్ క్లాస్' నేడు ప్రేక్షకుల ఆదరణతో విజయవంతంగా ముందుకు సాగుతోంది.
నిర్మాతలు చందు నూతి మరియు జీకే భవిష్యత్తులో కూడా ఇలాంటి నాణ్యమైన, వినోదభరితమైన చిత్రాలతో ప్రేక్షకుల ముందుకు రావడానికి సిద్ధమవుతున్నారు.
'మిస్టర్ మిడిల్ క్లాస్' ప్రస్తుతం కుటుంబ సమేతంగా చూసి ఆనందించదగ్గ పూర్తి వినోదాత్మక చిత్రంగా విజయవంతంగా ప్రదర్శితమవుతోంది.