గొప్పగా పోరాడింది. టాస్ ఓడి బ్యాటింగ్‌కు దిగి 100 రన్స్ లోపే ఆరు వికెట్లు కోల్పోయినా.. 200లకి పైగా రన్స్ స్కోరు చేసింది. రాజస్థాన్ రాయల్స్‌కు సవాల్ విసిరే లక్ష్యం నిలిపింది. ఆర్సీబీ బ్యాటర్లలో కెప్టెన్ రజత్ పటీదార్ 40 బంతుల్లో 63 రన్స్ చేసి టాప్ స్కోరర్‌గా నిలిచాడు.

ఇన్నింగ్స్ తొలి బంతికే ఆర్సీబీ వికెట్ కోల్పోయింది. ఆర్చర్ వేసిన బౌన్సర్‌కు ఫిల్ సాల్ట్ క్యాచ్ ఔట్ అయ్యాడు. ఆ తర్వాత విరాట్ కోహ్లీ (16 బంతుల్లో 32 రన్స్) రాణించడంతో ఓదశలో 2.5 ఓవర్లలో 45/1తో నిలిచింది. దీంతో భారీ స్కోరు చేసేలా కనిపించింది. కానీ స్వల్ప వ్యవధిలో పడిక్కల్ (14), కృనాల్ పాండ్యా (1), జితేశ్ శర్మ (5), టిమ్ డేవిడ్ (13) త్వరగా ఔట్ అయ్యారు. దీంతో 94 పరుగులకే ఆరు వికెట్లు కోల్పోయి పీకల్లోతు కష్టాల్లో పడింది.

ఈ సమయంలో కెప్టెన్ రజత్ పటీదార్.. కెప్టెన్ ఇన్నింగ్స్ ఆడాడు. ఓవైపు వికెట్లు పడుతున్నా ధాటిగా బ్యాటింగ్ చేశాడు. షెఫర్డ్ (22)తో కలిసి 18 బంతుల్లో 31 రన్స్, వెంకటేశ్ అయ్యర్‌తో కలిసి 19 బంతుల్లో 41రన్స్ జోడించాడు. చివరకు 40 బంతుల్లో 63 రన్స్ చేసిన తర్వాత ఔట్ అయ్యాడు. వికెట్లు త్వరగా కోల్పోవడంతో ఆర్సీబీ.. ఇంపాక్ట్ ప్లేయర్‌గా వెంకటేశ్ అయ్యర్‌ను దింపాల్సి వచ్చింది. నిజానికి ఈ ప్లేసులో సుయాశ్ శర్మ రావాల్సింది. కానీ వికెట్లు కోల్పోవడంతో వెంకటేశ్.. ఆర్సీబీ తరఫున డెబ్యూ చేశాడు.

ఇంపాక్ట్ ప్లేయర్‌గా వచ్చిన వెంకటేశ్.. ఇంపాక్ట్ చూపించాడు. 15 బంతుల్లో 29 రన్స్ స్కోరు చేశాడు. సందీప్ శర్మ వేసిన చివరి ఓవర్‌లో ఏకంగా 21 పరుగులు రాబట్టాడు. దీంతో ఆర్సీబీ స్కోరు 200 రన్స్ దాటింది. చివరకు నిర్ణీత 20 ఓవర్లలో ఆర్సీబీ 8 వికెట్ల నష్టానికి 201 రన్స్ చేసింది.