ఈ క్రమంలో తనూజ కోసం నీతూ.. ఆషిక కోసం అన్షు.. రాకేష్ కోసం రాం ప్రసాద్.. పునర్నవి కోసం సాక్షి వచ్చారు. ఇక ఈ ఎపిసోడ్‌లో కుక్స్ కాకుండా.. కుక్స్ ఫ్రెండ్స్ వంటను వండారు. చివర్లో మళ్లీ కుక్స్ వచ్చి తమ తమ రెసిపీలను కంప్లీట్ చేశారు. కుక్స్ ఇన్ స్ట్రక్షన్స్ ఇస్తుంటే.. జాతి రత్నాల సాయంతో కుక్స్ ఫ్రెండ్స్ వంటలు చేయడం అనేది ఈ శనివారం నాటి ఎపిసోడ్‌ ట్విస్ట్. మరి ఈ శనివారం నాటి ఎపిసోడ్ ఎలా సాగిందో ఓ సారి చూద్దాం.

పెయిరింగ్ టాస్కులో తనూజకి రోహిణి.. రాకేష్‌కి నూకరాజు.. పునర్నవికి మణికంఠ.. ఆషికకి అవినాష్ వచ్చారు. అడ్వాంటేజ్ టాస్కులో కుక్స్, వారి ఫ్రెండ్స్, జాతిరత్నాలు కలిసి ఆట ఆడారు. ఈ టాస్కులో తనూజ టీం గెలిచింది. ట్విస్ట్ ప్రకారం.. కుక్స్ అందరూ కూడా మాయా బజార్‌లో ఉంటారు. అక్కడి నుంచి జాతి రత్నాలకు ఇన్ స్ట్రక్షన్స్ ఇస్తుంటారు. అవి జాతిరత్నాలకు మాత్రమే వినిపిస్తాయి. ఆ ఇన్ స్ట్రక్షన్స్‌కి కుక్స్ ఫ్రెండ్స్‌కి చెప్పి వంటలు వండించాలి. అలా ఈ టాస్కులో అవినాష్ అయితే ఆషికను, అన్షుని తెగ ఆడుకున్నాడు.

మధ్యలో రాం ప్రసాద్ చేసిన నేరాలు ఘోరాలు స్పూప్ బాగుంది. అందులో నటించిన రోహిణి, నూకరాజు, అవినాష్ అందరినీ నవ్వించారు. ఇక టేస్టింగ్ టైంలో తనూజ చేసిన ప్రాన్స్ పులివెంచి వెలింగ్టన్, సాస్, జపనీస్ కోల్డ్ సూప్ బాగానే ఉందని అన్నారు. రాకేష్ చేసిన చికెన్ కీమా రోటీ, కంచుకోడి ఓకే ఓకే అని అన్నారు. అసలు ఇందులో కీమా ఎక్కడుందని పరువుతీస్తుంది శ్రీదేవీ. పునర్నవి చేసిన కేరళ స్టైల్ చిక్పీ కర్రీ, రాగి రవ్వ దోశ.. కొకొనట్ బెల్లం స్వీట్ పర్లేదు అని అన్నారు. ఆషిక చేసిన చాకో కొబ్బరి ఖుబానీ మీఠా టేస్ట్ చేసి.. అందరూ ఫిదా అయ్యారు.

అరుణ అయితే ఆ స్వీట్ రుచి చూసిన తర్వాత తన్మయత్వంతో తేలిపోయారు. ఇక స్కోరింగ్ బోర్డులో ఆషిక 94, తనూజ 90, రాకేష్ 85, పునర్నవి 80 వరుసగా ఒకటి, రెండు, మూడు, నాలుగు స్థానాల్లో నిలిచారు. ఇక రెండు వారాల స్కోర్‌ని కలిపితే ఆషిక 184, తనూజ 182, రాకేష్ 171, పునర్నవి 164 మార్కులతో టాప్ 4గా నిలిచారు. మరి ఆదివారం నాటి ఎపిసోడ్, అందులో కుక్స్ సాధించిన మార్కుల్ని బట్టి టాప్ 8 స్థానాల్ని డిసైడ్ చేస్తారు. చివరి ఇద్దరిని నేరుగా ఎలిమినేట్ చేస్తారు. ఆ తర్వాత మిగిలిన ఆరు మంది కుక్స్‌ నేరుగా ఫినాలే ఎపిసోడ్‌లో తలపడనున్నారు. మరి ఈ రెండో సీజన్‌లో విన్నర్ ఎవరు అవుతారో చూడాలి.