ఇప్పటికే విడుదలైన ఈ చిత్ర టీజర్, ట్రైలర్‌లకు ప్రేక్షకుల నుండి అద్భుతమైన రెస్పాన్స్ వచ్చింది. అఖిల్ ఊరమాస్ లుక్, థ్రిల్లింగ్ యాక్షన్ ఎపిసోడ్స్ సినిమాపై అంచనాలను అమాంతం పెంచేశాయి. ఈ క్రమంలోనే విడుదలకు కేవలం కొద్దిరోజుల సమయం మాత్రమే ఉండటంతో, చిత్ర నిర్మాతలు ప్రమోషన్స్ వేగాన్ని పెంచారు. ఈ నేపథ్యంలో ఫిల్మ్‌నగర్ సర్కిల్స్‌లో ఒక సెన్సేషనల్ ప్రచారం జోరందుకుంది.

* నా ఆస్తిని మార్కెట్ ధర కంటే తక్కువకి అమ్మేశారు... బ్యాంక్ అధికారులపై బండ్ల గణేష్ ఆరోపణ

ఈ చిత్ర ప్రమోషన్ కార్యక్రమాలలో భాగంగా సరికొత్త హైప్ తీసుకురావడానికి మేకర్స్ ఒక వినూత్నమైన ప్రణాళికను సిద్ధం చేసినట్లు తెలుస్తోంది. ఈ సినిమాను మరింతగా ప్రజల్లోకి తీసుకెళ్లేందుకు యంగ్ టైగర్ ఎన్టీఆర్ రంగంలోకి దిగబోతున్నారట. అఖిల్‌తో ఎన్టీఆర్ ఒక ప్రత్యేకమైన టాక్ షో తరహా ఇంటర్వ్యూ చేయనున్నట్లు గట్టిగా వినిపిస్తోంది. దీనికి సంబంధించి ఇరు హీరోల మధ్య ఒక క్రేజీ చాట్ సెషన్‌ను కూడా ఇప్పటికే ప్లాన్ చేశారని సమాచారం. దీనిపై ఇంకా ఎలాంటి అఫీషియల్ అనౌన్స్‌మెంట్ రాకపోయినప్పటికీ, సోషల్ మీడియాలో మాత్రం ఈ వార్త విపరీతంగా హల్‌చల్ చేస్తోంది.

టాలీవుడ్‌లో నందమూరి, అక్కినేని కుటుంబాల మధ్య ఉన్న అనుబంధం, సాన్నిహిత్యం గురించి ప్రత్యేకంగా చెప్పక్కర్లేదు. ఎన్టీఆర్, అఖిల్ పలుమార్లు బహిరంగ వేదికలపై ఒకరినొకరు ఆలింగనం చేసుకుంటూ తమ ఆత్మీయతను చాటుకున్నారు. గతంలో అఖిల్ నటించిన 'మిస్టర్ మజ్ను' ప్రీ రిలీజ్ ఈవెంట్‌కు ఎన్టీఆర్ చీఫ్ గెస్ట్‌గా హాజరై అఖిల్‌ను ఎంతగానో సపోర్ట్ చేశారు. ఇప్పుడు మళ్లీ 'లెనిన్' చిత్రం కోసం ఈ ఇద్దరు స్టార్స్ ఒకే ఫ్రేమ్‌లోకి వస్తే, ఆ వైబ్స్ వేరే లెవెల్‌లో ఉంటాయని అభిమానులు పండగ చేసుకుంటున్నారు. ఎన్టీఆర్ లాంటి గ్లోబల్ స్టార్ సపోర్ట్ దొరికితే, అది కేవలం అభిమానులకే కాకుండా సాధారణ ప్రేక్షకులను కూడా భారీగా థియేటర్ల వైపు రప్పించేందుకు ట్రేడ్ పరంగా పెద్ద బూస్ట్‌లా మారుతుందని సినీ విశ్లేషకులు అభిప్రాయపడుతున్నారు.

* వివాదాలు, విధి రాత.. బాలకృష్ణ కెరీర్‌లో అర్ధాంతరంగా ఆగిపోయిన సినిమాలివే!

గత చిత్రాల ఫలితాల తర్వాత బాక్సాఫీస్ వద్ద ఒక సాలిడ్ బ్లాక్‌బస్టర్ హిట్‌తో గట్టి కమ్‌బ్యాక్ ఇవ్వాలని అఖిల్ ఎంతో పట్టుదలతో ఉన్నారు. అందుకోసమే ఈ ప్రాజెక్ట్ కోసం ఆయన శారీరకంగా, నటన పరంగా ఎంతో శ్రమించారు. ఇటీవల విడుదలైన ట్రైలర్‌లో ఆయన చూపించిన మేకోవర్, ఇంటెన్స్ పర్ఫార్మెన్స్ పరిశ్రమలోని పలువురు అగ్ర హీరోల ప్రశంసలు అందుకుంది. టాలీవుడ్ టాప్ స్టార్స్ సైతం సోషల్ మీడియా వేదికగా అఖిల్‌కు అభినందనలు తెలిపారు. ఈ క్రేజీ అడ్వెంచర్‌లో భాగ్యశ్రీ బోర్సే కథానాయికగా నటించగా, అక్కినేని నాగార్జున, సూర్యదేవర నాగవంశీ సంయుక్తంగా నిర్మించారు.