Iran Human Chain Energy Sites: పశ్చిమాసియాలో మునుపెన్నడూ లేని విధంగా యుద్ధం తీవ్రమవుతోంది. అమెరికా అధ్యక్షుడు డొనాల్డ్ ట్రంప్ విధించిన 48 గంటల గడువు ముగుస్తున్న తరుణంలో..
ఇరాన్ ఒక అత్యంత సాహసోపేతమైన, వివాదాస్పదమైన నిర్ణయం తీసుకుంది. తమ దేశ ఆర్థిక మూలాధారాలైన చమురు, గ్యాస్, అణుశక్తి కేంద్రాలపై అమెరికా దాడులు చేయకుండా అడ్డుకునేందుకు లక్షలాది మంది యువతతో మానవ హారాలు ఏర్పాటు చేయాలని నిర్ణయించింది. ముఖ్యంగా వాటన్నింటి చుట్టూ పౌరులను నిల్చోబెట్టి దాడులు అడ్డుకోవాలని చూస్తోంది.
"బ్రైట్ ఫ్యూచర్" పేరుతో ప్రదర్శన..
మరోవైపు వైట్హౌస్ నుంచి ట్రంప్ తీవ్ర హెచ్చరికలు చేశారు. మంగళవారం రాత్రి 8 గంటల లోపు (అమెరికా కాలమానం ప్రకారం) హార్మూజ్ జలసంధిని తెరవకపోతే ఇరాన్ ఒక్క రాత్రిలో తుడిచి పెట్టుకుపోతుందని హెచ్చరించారు. "ఒక దేశాన్ని ఒక్క రాత్రిలో మ్యాప్ నుంచి తొలగించగల శక్తి మాకుంది. ఆ రాత్రి రేపే కావచ్చు" అని ట్రంప్ సంచలన వ్యాఖ్యలు చేశారు. ముఖ్యంగా ఇరాన్ మౌలిక సదుపాయాలపై దాడులు చేస్తే అది యుద్ధ నేరం కిందకు వస్తుందన్న వాదనలను ట్రంప్ కొట్టిపారేశారు. తన దేశ ప్రయోజనాల కోసం అలాంటి చర్యలకు తాను ఏమాత్రం వెనుకాడబోనని ఆయన స్పష్టం చేశారు.
కాల్పుల విరమణ ప్రతిపాదన తిరస్కరణ..