రిజర్వ్ బ్యాంక్ ఆఫ్ ఇండియా (RBI) విడుదల చేసిన హాలీడేస్ జాబితా ప్రకారం ఏప్రిల్ 2026లో దేశవ్యాప్తంగా బ్యాంకులు 12 రోజుల పాటు మూసి ఉండనున్నాయి. వివిధ రాష్ట్రాల్లో పండగలు, జాతీయ పండగలు, జయంతి వేడుకలు, వారాంతపు సెలవులతో బ్యాంకులకు భారీగా సెలవులు వస్తున్నాయి. తెలుగు రాష్ట్రాలు తెలంగాణ, ఆంధ్రప్రదేశ్‌లోనూ భారీగానే సెలవులు ఉన్నాయి. వినియోగదారులు తమ బ్యాంకు పనులు ముందస్తు ప్రణాళిక ప్రకారం పూర్తి చేసుకోవడం మంచిది. మరి ఆ సెలవుల గురించి తెలుసుకుందాం.

• ఏప్రిల్ 1 బుధవారం రోజు కొత్త ఆర్థిక సంవత్సరం ప్రారంభం సందర్భంగా అకౌంట్స్ యాన్యువల్ క్లోజింగ్ ఉంటుంది. దీంతో తెలంగాణ, ఆంధ్రప్రదేశ్‌తో పాటు దేశవ్యాప్తంగా బ్యాంకులకు సెలవు ఉంటుంది.
• ఏప్రిల్ 2 గురువారం రోజు మౌండీ థర్స్ డే సందర్భంగా కేరళంలో బ్యాంకులకు సెలవు ఉంటుంది.
• ఏప్రిల్ 3 శుక్రవారం రోజు గుడ్ ఫ్రైడే సందర్భంగా దేశవ్యాప్తంగా బ్యాంకులకు సాధారణ సెలవు ఉంటుంది.
• ఏప్రిల్ 5 ఆదివారం రోజు దేశవ్యాప్తంగా బ్యాంకులకు సాధారణ సెలవు ఉంటుంది.
• ఏప్రిల్ 11 రెండో శనివారం సందర్భంగా బ్యాంకులు మూసి ఉంటాయి.
• ఏప్రిల్ 12 ఆదివారం సందర్భంగా దేశవ్యాప్తంగా బ్యాంకులు మూసి ఉంటాయి.
• ఏప్రిల్ 14 మంగళవారం రోజు డాక్టర్ బి.ఆర్.అంబేద్కర్ జయంతి సందర్భంగా దేశవ్యాప్తంగా దాదాపు అన్ని రాష్ట్రాల్లో బ్యాంకులకు సెలవు ఉంటుంది.
• ఏప్రిల్ 15 బుధవారం రోజు బెంగాలీ నూతన సంవత్సరం, బొహగ్ బిహు హిమాచల్ డే సందర్భంగా కోల్‌కతా, గువాహటి, సిమ్లా వంటి ప్రాంతాల్లో బ్యాంకులకు సెలవు ఉంటుంది.
• ఏప్రిల్ 19 ఆదివారం రోజున బ్యాంకులకు సాధారణ సెలవు ఉంటుంది.
• ఏప్రిల్ 20 సోమవారం రోజు అక్షయ తృతీయ, బసవ జయంతి ఉన్న సందర్భంగా కర్ణాటకలో బ్యాంకులకు సెలవు ఉంటుంది.
• ఏప్రిల్ 25 నాలుగో శనివారం సందర్భంగా బ్యాంకులకు సెలవు ఉంటుంది.
• ఏప్రిల్ 26 ఆదివారం సందర్భంగా బ్యాంకులు మూసి ఉంటాయి.