Brahmamudi Serial 2026 June 4th Episode Preview బ్రహ్మముడి సీరియల్‌లో గురువారం నాడు ఇంట్రెస్టింగ్ సీన్స్ ఏమీ జరగలేదు. రేఖ సీఈవో చైర్ కోసం ఇందుతో ఓ ప్లాన్ వేస్తుంది.

ఇందు సీఈవో కావడం ఏంటి? అని ఐశ్వర్య రగిలిపోతుంది. మరో వైపు ఇందు ఆనందంగా ఉందో లేదో అని సుభాష్, అపర్ణ అనుకుంటూ ఉంటారు. ఇంతలో రాజు వచ్చి వారికి భరోసానిస్తాడు. ఇంకో వైపు లక్కీ తన అమ్మ రేఖ ఫోటోని జస్ట్‌లో మిస్ అవుతాడు.

మరో వైపు ఆంటోని తప్పతాగి పడుకుని ఉంటాడు. వాడి డ్రెస్ నుంచి ఓ ఫోటో పడుతుంది. ఆ ఫోటోని లక్కీ చూసే లోపు ఆంటోనీ లాక్కుంటాడు. ఇది నా పర్సనల్.. నా పర్సనల్ విషయాల్ని టచ్ చేయొద్దు అని నీకు చెప్పాను కదా అని ఆంటోని వార్నింగ్ ఇస్తాడు. నేను తీయలేదు.. అదే పడిపోయింది అని లక్కీ అంటాడు. అయినా సరే నువ్వు చూడొద్దు అని ఆంటోనీ అంటాడు. మా అమ్మని కనిపెడతా అన్నావ్.. ఎవరినో కలవడానికి వెళ్తా అన్నావ్ అని ఆంటోని అంటాడు. వెళ్తాను.. అంత కంటే ముందు నాకు ఉప్మా పెసరట్టు తీసుకు రా పో అని పంపించేస్తాడు. ఆ ఫోటో ఏంటి? అని లక్కీకి కూడా అనుమానం వస్తుంది.

ఇంకో వైపు సీఈవో పోటీ కోసం ఇందు రెడీ అవుతుంది. తాతయ్య, నానమ్మ వద్ద ఆశీర్వాదం తీసుకుంటుంది. నువ్వు ఇలా సంతోషంగా ఉండటం చూస్తే మాకు ఆనందంగా ఉందమ్మా అని సుభాష్, అపర్ణ అంటారు. రాజు చాలా మంచివాడు.. నిన్ను చాలా ఇష్టపడుతున్నట్టుగా ఉంది.. అందుకే స్టోర్ రూంలో ఉన్న నిన్ను ఏసీ గదిలోకి తీసుకు వెళ్లాడు.. రూపంలోనే కాదు. గుణంలోనూ మీ నాన్నలానే రాజు ఉన్నాడు అమ్మా అని సుభాష్ అంటాడు. దీంతో అసలు నిజాన్ని దాచానే అని ఇందు బాధపడుతుంటుంది. నువ్వు నిజంగానే సంతోషంగా ఉన్నావ్ కదా? అని ఇందుని అపర్ణ అడుగుతుంది.

అదే టైంలో రాజు వచ్చి కవర్ చేస్తాడు. మేం సంతోషంగా ఉన్నాం.. మీ మనవరాల్ని సంతోషంగా చూసుకుంటున్నాం.. అప్పుడప్పుడు నా కాలు తొక్కుతూ ఉంటుంది అది వేరే విషయం లేండి అని రాజు కామెడీ చేస్తాడు. మీరేమీ ఆలోచించకండి.. మేం సంతోషంగా ఉన్నాం తాతయ్య అని అంటాడు. ఈ రోజు మేం ఆఫీస్‌కి వెళ్లాలి.. నేను సీఈవోగా పోటీ చేస్తున్నా కదా అని రాజు అంటాడు. మా మనవడు ఉండాల్సిన స్థానం అది.. నిన్ను చూస్తుంటే మా మనవడ్ని చూసినట్టే ఉంది అని రాజుని అపర్ణ పట్టుకుంది. ఈవిడ స్పర్శ ఏంటి నాకు ఇలా ఉంది.. నాకు తెలిసిన వారిలానే ఉంది.. అమ్మో వీళ్ల ఎమోషనల్ ట్రాప్‌లో మనం పడొద్దు అని రాజు అక్కడి నుంచి వెళ్లిపోతాడు.

ఇంకో వైపు సీఈవో పోటీ గురించి భ్రమరాంబ, భూషణ్, శేషు, రేఖ మాట్లాడుకుంటారు. అసలు వాడ్ని ఈ పోటీలోకి ఎందుకు రానిచ్చావ్.. మొదట్లోనే ఆపాల్సింది కదా అని భ్రమరాంబ అంటుంది. అలా చేస్తే వాడు ఆగిపోతాడా? అని రేఖ అంటే.. ఇంకా రెచ్చిపోయేవాడు అని శేషు అంటాడు. అందుకే నా ప్లాన్స్‌లో నేను ఉన్నాను.. నా లెక్కలు నాకు ఉన్నాయి.. ఇందుని ఆఫీస్‌కి తీసుకు వెళ్తాను.. ఇందుని సీఈవో చేస్తా అని రేఖ అంటుంది. ఈ విషయాలన్నీ ఐశ్వర్య వింటుంది. అది సీఈవో అవ్వడం ఏంటి అని చిరాగ్గా అక్కడి నుంచి వెళ్తుంది.