తెలుగు చిత్రసీమలో కొన్ని కాంబినేషన్లకు సెపరేట్ ఫ్యాన్ బేస్ ఉంటుంది. హీరో హీరోయిన్లు, హీరో డైరెక్లర్లే కాదు, డైరెక్టర్ మ్యూజిక్ డైరెక్టర్లకు కూడా ప్రత్యేకమైన ఫాలోయింగ్ ఉండటం కామన్.
టాలీవుడ్‌లో అలాంటి అరుదైన కాంబోనే సుకుమార్ - దేవిశ్రీ ప్రసాద్. 'ఆర్య'తో మొదలైన వీరి అప్రతిహత ప్రయాణం నాన్నకు ప్రేమతో, రంగస్థలం, పుష్ప 2 చిత్రాల వరకు టాలీవుడ్‌లో సరికొత్త సంచలనాలను సృష్టించింది. ఒకరి ప్రతిభపై మరొకరికి ఉన్న అచంచలమైన నమ్మకమే ఇరవై ఏళ్లుగా ఈ క్రేజీ కాంబినేషన్‌ను తిరుగులేని సక్సెస్ ఫార్ములాగా నిలబెట్టింది. తన సినీ కెరీర్‌లో సుకుమార్ ఇప్పటివరకు దేవి శ్రీ ప్రసాద్ మినహా మరే ఇతర సంగీత దర్శకుడితోనూ పూర్తిస్థాయి సినిమా చేయకపోవడం వీరి బంధానికి ఒక నిదర్శనం.
* 'పెద్ది'కి ఏపీ ప్రభుత్వం బంపరాఫర్.. టికెట్ ధరల పెంపు, ప్రీమియర్ షోలకు గ్రీన్ సిగ్నల్!
అయితే ఇటీవల కాలంలో ఈ అద్భుతమైన జోడీ మధ్య మునుపటి సాన్నిహిత్యం కొరవడిందంటూ ఫిలిం నగర్ వర్గాల్లో జోరుగా ప్రచారం సాగుతోంది. ముఖ్యంగా 'పుష్ప-2' నిర్మాణ సమయంలో వీరిద్దరి మధ్య కొన్ని అపశృతులు దొర్లినట్లు వినికిడి. చిత్రంలోని కొన్ని కీలకమైన సన్నివేశాలకు దేవి అందించిన బ్యాక్‌గ్రౌండ్ స్కోర్ విషయంలో సుకుమార్ పూర్తి సంతృప్తిగా లేకపోవడంతో.. ప్రత్యామ్నాయంగా ఇతర సంగీత దర్శకుల సేవలను ఉపయోగించుకోవాల్సి వచ్చింది. ఈ పరిణామం దేవి శ్రీ ప్రసాద్‌ను తీవ్ర అసంతృప్తికి గురిచేయగా... ఆయన ఆ వేదనను ఒక సినిమా వేదికపై బహిరంగంగానే వెలిబుచ్చారు. ఆ తర్వాత విభేదాలు సమసిపోయినట్లు కనిపించినా, వారి భవిష్యత్తు ప్రాజెక్టులపై అనుమానాల నీలినీడలు మాత్రం అలాగే ఉండిపోయాయి.
* సీఎం రేవంత్‌ రెడ్డితో మంచు మనోజ్ ఆలింగనం... ఎన్టీఆర్ విగ్రహ ఏర్పాటుపై భావోద్వేగం\
ప్రస్తుతం మెగా పవర్ స్టార్ రామ్ చరణ్ హీరోగా సుకుమార్ తెరకెక్కించబోయే తదుపరి చిత్రానికి సంబంధించి సోషల్ మీడియాలో ఒక పెద్ద చర్చ నడుస్తోంది. ఈ ప్రతిష్టాత్మక చిత్రానికి దేవిశ్రీ ప్రసాద్ స్థానంలో కొత్త మ్యూజిక్ డైరెక్టర్‌ను తీసుకోబోతున్నారంటూ రకరకాల వార్తలు చక్కర్లు కొడుతున్నాయి. దీనికి తోడు దేవిశ్రీ ప్రసాద్ తన కెరీర్‌లో సరికొత్త అడుగు వేస్తూ ఎల్లమ్మ' అనే చిత్రంతో హీరోగా మారుతున్నారు. ఆయన నటనపై దృష్టి పెట్టడం వల్లే పవన్ కళ్యాణ్ 'ఉస్తాద్ భగత్ సింగ్' చిత్రానికి పూర్తి స్థాయిలో మ్యూజిక్ అందించలేకపోయారని, ఆ బాధ్యతలు థమన్‌కు బదిలీ అయ్యాయనే ప్రచారం కూడా ఈ అనుమానాలకు మరింత ఊతమిచ్చింది. ఒకప్పుడు దేవి శ్రీ ప్రసాద్‌తో వరుసగా సినిమాలు చేసిన స్టార్ డైరెక్టర్లు ఇప్పుడు ఇతర ఆప్షన్ల వైపు చూస్తుండటంతో.. ఒకవేళ సుకుమార్ కూడా చరణ్ సినిమాకు దేవిని పక్కన పెడితే టాలీవుడ్‌లో ఒక సువర్ణ శకానికి ముగింపు పడినట్లేనని విశ్లేషకులు భావిస్తున్నారు.
ప్రచారంలో అసలు నిజమెంత?
కానీ ఈ గుసగుసల వెనుక ఉన్న అసలు వాస్తవాలు పూర్తిగా భిన్నంగా ఉన్నాయి. విశ్వసనీయ వర్గాల సమాచారం ప్రకారం.. రామ్ చరణ్ సినిమాకు సంబంధించి సుకుమార్ ఇప్పటివరకు టెక్నీషియన్ల ఎంపికను ఖరారు చేయలేదు. ప్రస్తుతానికి కేవలం కథాంశాన్ని మాత్రమే లాక్ చేశారు తప్ప పూర్తిస్థాయి స్క్రిప్ట్ ఇంకా సిద్ధం కాలేదు. ఈ స్క్రిప్ట్ వర్క్ ముగియడానికి మరికొన్ని నెలల సమయం పట్టే అవకాశం ఉంది. రచన ప్రక్రియ పూర్తిగా పూర్తయిన తర్వాతే ఆ కథా నేపథ్యానికి ఏ రకమైన సంగీతం అవసరమో సుకుమార్ ఒక అవగాహనకు వస్తారు. ఆ సమయానికి దేవి శ్రీ ప్రసాద్ కాల్‌షీట్స్ లభ్యతను, అలాగే ఈ కథకు దేవి కాకుండా వేరే ఎవరైనా కొత్తగా న్యాయం చేయగలరా అనే కోణాలను సుదీర్ఘంగా విశ్లేషించిన తర్వాతే తుది నిర్ణయం తీసుకుంటారని తెలుస్తోంది. కాబట్టి ప్రస్తుతం వినిపిస్తున్నవన్నీ కేవలం ఊహాగానాలేనని.. అధికారిక ప్రకటన వచ్చే వరకు ఈ సస్పెన్స్‌కు తెరపడదని స్పష్టమవుతోంది.