ఆంధ్రప్రదేశ్ రాజకీయాల్లో కీలక పరిణామం చోటుచేసుకుంది. అధికార టీడీపీ నేత సైకిల్ దిగి, వైసీపీ కండువా కప్పుకున్నారు. గుంటూరు జిల్లా రేపల్లె నియోజకవర్గానికి చెందిన గూడపాటి శ్రీనివాసరావు వైఎస్సార్ కాంగ్రెస్ పార్టీలో చేరారు. మంగళవారం రోజున తాడేపల్లి క్యాంపు కార్యాలయంలో వైసీపీ అధినేత వైఎస్ జగన్ మోహన్ రెడ్డి సమక్షంలో.. వైసీపీ కండువా కప్పుకున్నారు. ఈ సందర్భంగా గూడపాటి శ్రీనివాసరావును జగన్ సాదరంగా పార్టీలోకి ఆహ్వానించారు. అంతకుముందు వందలాది మంది అభిమానులతో గూడపాటి శ్రీనివాసరావు తాడేపల్లిలోని వైసీపీ కేంద్ర కార్యాలయానికి చేరుకున్నానరు. అనంతరం గూడపాటికి స్వయంగా కండువా కప్పిన జగన్, పార్టీలోకి ఆహ్వానించారు. గూడపాటితో పాటు ఆయన అనుచరులు పలువురు వైసీపీలో చేరారు.