కేంద్రం తీసుకున్న నిర్ణయాలు, ఇతర రాష్ట్రాలలో ప్రభుత్వాలకు సంబంధించి పాలసీలపై ఎప్పటికప్పుడు స్పందిస్తున్నారు. ముఖ్యంగా ఆంధ్రప్రదేశ్‌కు సంబంధించిన అంశాలపై విజయసాయిరెడ్డి ఎక్కువగా ఫోకస్ పెట్టారు. ముఖ్యమంత్రి చంద్రబాబు, ప్రభుత్వానికి సలహాలు కూడా ఇస్తున్నారు. తాజాగా ఏపీకి సంబంధించిన పెట్టుబడులు, పరిశ్రమలకు సంబంధించి స్పందించారు.. కొన్ని సలహాలు కూడా ఇచ్చారు.

ఆంధ్రప్రదేశ్ ప్రజలకు కేవలం పెట్టుబడుల ప్రకటనలతో ఆసక్తి ఉండదు.. అవి వాస్తవంగా కార్యరూపంలోకి వచ్చాయా లేదా అనేది ముఖ్యమన్నారు విజయసాయిరెడ్డి. అది జిందాల్ స్టీల్ ప్లాంట్ అయినా, గూగుల్ ఏఐ డేటా సెంటర్ అయినా.. ఈ ప్రాజెక్టులు సకాలంలో ప్రారంభమై, ఉద్యోగాలు, అభివృద్ధి, ఇచ్చిన హామీలు, ప్రయోజనాలను ప్రజలకు అందించడమే ముఖ్యం అన్నారు. ఆంధ్రప్రదేశ్ ప్రభుత్వం, ముఖ్యమంత్రి చంద్రబాబులు పరిశ్రమలకు సంబంధించి సంతకం చేసిన అవగాహన ఒప్పందం (MoU)లు, దాని ప్రారంభ స్థితి, ప్రాజెక్ట్ పూర్తి చేసేందుకు కాలపరిమితి, వీటి ద్వారా వచ్చే ఉద్యోగాలు, పరిశ్రమలకు సంబంధించిన విస్తరణ ప్రణాళికలను ఎప్పటికప్పుడు నమోదు చేసేలా పెట్టుబటులకు సంబంధించి ఓ ట్రాకర్‌ను ప్రారంభించాలని సలహా ఇచ్చారు.. పారదర్శకతతో పాటుగా జవాబుదారీతనాన్ని, ప్రజల విశ్వాసాన్ని పెంపొందిస్తుందని అభిప్రాయాన్ని వ్యక్తం చేశారు.