Gold Rate Today: భారతీయ సంస్కృతి, సంప్రదాయాల్లో బంగారానికి ఒక ప్రత్యేకమైన స్థానం ఉంది. పండగలు, శుభకార్యాలతో పాటు పెళ్లిళ్లలో బంగారం తప్పనిసరిగా ఉండాలని భావిస్తారు.
ప్రస్తుతం శ్రావణ మాసం పెళ్లిళ్ల సీజన్ కొనసాగుతోంది. దీంతో బంగారానికి మంచి డిమాండ్ ఉంటుంది. అయితే, బంగారం ధరలు వరుసగా పెరుగుతుండడం కొనుగోలుదారులను బెంబేలెత్తిస్తున్నాయి. చాలా మంది వెనకడుగు వేయాల్సి వచ్చింది. ఇప్పుడు అలాంటి వారందరికీ శుభవార్త లభించింది. దేశీయ మార్కెట్లో పసిడి ధరలు తగ్గాయి. ఇక వెండి రేటు రూ.10 వేల మేర పడిపోయింది. ఈ క్రమంలో హైదరాబాద్, విజయవాడ బులియన్ మార్కెట్లలో ఆగస్టు 26వ తేదీన రేట్లు ఎలా ఉంటాయో తెలుసుకుందాం.
హైదరాబాద్లో బంగారం, వెండి ధరలు
హైదరాబాద్ బులియన్ మార్కెట్లో బంగారం ధరలు వారం రోజుల తర్వాత తగ్గాయి. ఈరోజు 24 క్యారెట్ల బంగారం రేటు 10 గ్రాములకు రూ. 220 మేర తగ్గి రూ. 1,63,750 వద్దకు దిగివచ్చింది. ఇక 22 క్యారెట్ల పసిడి ధర తులానికి రూ.200 మేర తగ్గి రూ. 1,50,100 వద్దకు దిగివచ్చింది. ఇక వెండి ధర విషయానికి వస్తే ఇవాళ ఒక్కరోజే రూ. 10,000 మేర పడిపోయింది. దీంతో కిలో వెండి రేటు రూ. 2,65,000 మార్క్ వద్దకు దిగింది.విజయవాడ, విశాఖలో బంగారం ధరలు
ఆంధ్రప్రదేశ్లోని విజయవాడ, విశాఖపట్నం వంటి సిటీల్లోనూ ఈరోజు పసిడి ధరలు తగ్గాయి. 24 క్యారెట్ల మేలిమి గోల్డ్ రేటు తులంపై రూ.220 తగ్గి రూ.1,63,750 వద్దకు దిగివచ్చి ట్రేడవుతోంది. ఇక 22 క్యారెట్ల బంగారం రేటు రూ.200 దిగివచ్చి రూ. 1,50,100 వద్ద అమ్ముడవుతోంది. మరోవైపు కిలో వెండి రేటు రూ.10 వేలు తగ్గి రూ. 2,65,000 వద్ద ట్రేడవుతోంది.గ్లోబల్ మార్కెట్లో గోల్డ్ రేట్లు
అంతర్జాతీయ మార్కెట్లలో పసిడి ధరలు తగ్గినట్లే తగ్గి మళ్లీ పెరుగుతున్నాయి. ఈరోజు స్పాట్ గోల్డ్ రేటు ఔన్సుకు 5 డాలర్లు పెరిగి 4643 డాలర్ల వద్ద ట్రేడవుతోంది. ఇక స్పాట్ సిల్వర్ రేటు ఔన్సుకు 0.03 శాతం తగ్గి 68 డాలర్ల వద్ద అమ్ముడవుతోంది.గమనిక: పైన చెప్పిన బంగారం, వెండి రేట్లు ఆగస్టు 26వ తేదీ బుధవారం రోజు ఉదయం 7 గంటల సమయానికి ఉన్నవి. అయితే, బులియన్ మార్కెట్లో ధరలు ఉదయం 10 గంటల తర్వాత మారిపోతుంటాయి. ప్రాంతాలను బట్టి బంగారం ధరల్లో వ్యత్యాసాలు ఉండవచ్చు. కొనుగోలు చేసే ముందే స్థానికంగా ఉండే రేట్లు తెలుసుకోవడం మంచిది.

