నాలా పక్కనే ఉన్న 50 గజాల స్థలంలో ఈ భవనాన్ని నిర్మిస్తున్నారు. అయితే ఈ భవనం శనివారం మధ్యాహ్నం ఒక్కసారిగా కూలిపోయింది. శిథిలాలు పక్కనే ఉన్న అపార్టుమెంట్ మీద కూడా పడ్డాయి. ప్రమాదం కారణంగా భారీ శబ్దం రావటంతో స్థానికులు భయాందోళనకు గురయ్యారు. సమీప హాస్టల్ విద్యార్థులు భయంతో బయటకు పరుగులు తీశారు. ప్రమాదం గురించి సమాచారం అందుకున్న వెంటనే పోలీసులు, రెస్క్యూ సిబ్బంది ఘటనా స్థలికి చేరుకున్నారు. సహాయక చర్యలు చేపట్టారు.

మరోవైపు భవనం శిథిలాల కింద నుంచి రెండు మృతదేహాలను బయటకు తీశారు. ముగ్గురు కార్మికులు చిక్కుకుని ఉండొచ్చనే అనుమానాలు వ్యక్తం కాగా.. రెస్క్యూ సిబ్బంది సహాయక చర్యలు చేపట్టారు. శిథిలాల కింద చిక్కుకున్న రెండు మృతదేహాలను వెలికి తీశారు.. మరోవైపు భవనం శిథిలాలు పడటంతో పక్కనున్న అపార్టుమెంట్‌ గోడలు కూడా దెబ్బతిన్నాయి. చనిపోయిన వారిని మధ్యప్రదేశ్ రాష్ట్రానికి చెందిన టైల్స్ కార్మికులుగా గుర్తించారు.

రాయదుర్గంలో రోడ్డు ప్రమాదం.. సాఫ్ట్‌వేర్ ఉద్యోగి మృతి