ఆ తరువాత కుకు షో నుంచి కళ్యాణ్ తప్పుకున్నాడు. కళ్యాణ్ పడాల హీరోగానూ కొన్ని ప్రాజెక్టులు రెడీ అవుతున్నట్టుగా సమాచారం. ఇక ఇప్పుడు కళ్యాణ్ పడాల తన కలను నిజం చేసుకున్నాడు. మధ్య తరగతి వ్యక్తికి సొంతింటి కల, కొత్త కారు కొనడం అనే కల ఎంత గొప్పగా ఉంటుందో ప్రత్యేకంగా చెప్పాల్సిన పని లేదు. ఇక కళ్యాణ్ ఓ కొత్త కారుని తీసుకున్నాడు.

ఈ మేరకు తన సంతోషాన్ని అభిమానులతో పంచుకున్నాడు. 'కొన్ని సార్లు జీవితంలో మనం కన్న కలలు నిజం అవుతాయని కొన్ని సందర్భాలు నిరూపిస్తాయి.. ఇది కేవలం కారు మాత్రమే కాదు.. ఇదొక మరుపురాని ప్రయాణానికి సంబంధించిన జ్ఞాపకం 'బిగ్ బాస్ 9 తెలుగు' ద్వారా లభించిన ఒక వరం, మీలో ప్రతి ఒక్కరి నుండి నాకు లభించిన నిస్వార్థమైన ప్రేమకు ఒక నిదర్శనం. ప్రతి ఓటు, ప్రతి సందేశం, ప్రతి ప్రార్థన, మద్దతు నన్ను ఈ క్షణం వరకు నడిపించాయి. ఈ ఆనందం నాది ఎంతైతే మీదీ అంతే. ఇదంతా మీ వల్లే.. మీ అందరికీ నా హృదయపూర్వక కృతజ్ఞతలు. నాపై నమ్మకం ఉంచినందుకు ధన్యవాదాలు. ఎప్పటికీ కృతజ్ఞతతో ఉంటాను' అని పోస్ట్ వేశాడు.