కాబట్టి.. ఆ గోడనే కూల్చేసే పథకం రచించారు. ఈరోజు (మే 30) రాత్రి ప్రసారం కాబోయే ఎపిసోడ్‌లో ఏమైందంటే..

దాంతో భాగ్యం.. అయ్యయ్యో మేం అలాంటి వాళ్లం కాదు బాబూ.. మాపై అన్యాయంగా నిందలు వేయొద్దు.. మీ ఇల్లు రెండు ముక్కలు అవ్వడానికి.. మీ అన్నయ్య మీ నుంచి విడిపోవడానికీ.. కారణం నర్మద వాళ్ల ప్రసాదరావు గారు కదా.. ఆరోజు ఆయన లాయర్‌ని తీసుకుని వచ్చి ఆస్తిలో వాటా ఇవ్వమని మీ నాన్న చొక్కా పట్టుకుని ఎంత గొడవ చేశారో చూశాం కదా.. మరి అమాయకులైన మాపై నిందలేస్తారేంటీ.. మీకిది ధర్మమా? అని అంటుంది. ఆ మాటతో నర్మద.. 'ఏయ్ అంటూ చేయి లేపి దూసుకుని వెళ్తుంది. చంపేస్తా ఎక్కువ మాట్లాడితే.. మీరు మా ఇంటికి వెళ్లి మా నాన్నకి అబద్దాలు నూరిపోయడం వల్లే మా నాన్న లాయర్‌ని తీసుకొచ్చి గొడవ చేసిన విషయం నాకు తెలియదనుకుంటున్నారా?

మీరు పెట్టిన మంట వల్లే ఇల్లు రెండు ముక్కలైంది. మేం వేరు కాపురం పెట్టే పరిస్థితి వచ్చింది.. మాకు తెలియదని అనుకుంటున్నావా? అని అంటుంది నర్మద. దాంతో భాగ్యం.. 'శివ శివా.. మాకు ఏ పాపం తెలియదు.. అసలు మీ ఇల్లు ఎక్కడుందో కూడా తెలియదు.. మేం ప్రసాద రావుని కలిసిందే లేదు.. మీకు ఎవరో రాంగ్ ఇన్ఫర్మేషన్ ఇచ్చారు. మేం ఎవరి జీవితాల్లోనూ మంటపెట్టడం లేదు.. మేం పూర్తిగా మారిపోయాం. మా అమ్మడు తిరిగి అత్తారింట్లో అడుగుపెట్టినప్పటి నుంచి మొత్తం మారిపోయాం.. అని అంటారు భాగ్యం, ఇడ్లీలు. దాంతో ధీరజ్‌కి ఒళ్లు మండి.. మళ్లీ లాగిపెట్టి కొడతాడు.

మీరు వెళ్లి ప్రసాదరావు మామయ్యతో చెప్పడం వల్లే గొడవ జరిగిందని మాకు తెలుసు. ఇక వెధవ డ్రామాలు ఆపి.. అలా చేయడం వెనుక మీ ఉద్దేశం ఏంటో చెప్పండీ అని అంటాడు ధీరజ్. 'మీరు కారణం లేకుండా ఏదీ చేయరూ.. మీరు ఏ విషయంలో తప్పించుకోవడానికి ఈ కుట్ర చేశారో.. మా నాన్న దగ్గరకు ఏ విషయంలో వెళ్లారో చెప్పండి' అని అంటుంది నర్మద. ఇది మహా కంత్రీది.. మాటలతో చెప్తే వినదు.. నాలుగు తగిలిస్తే కానీ దారిలోకి రాదు అంటూ కర్ర తీసుకుని వస్తుంది ప్రేమ. దాంతో ఇడ్లీ.. భాగ్యాన్ని కొట్టుకున్న మొగుడ్ని నా ముందే కొడితే నేను ఊరుకుంటానా? ఆ కర్ర ఇలా ఇవ్వండి అని తీసుకుంటాడు.

భాగ్యాన్ని ఉరికించి ఉరికించి కొట్టి కసి మొత్తం తీర్చుకుంటాడు ఇడ్లీ. భార్య అంటే భర్తలో సగం.. నీ పాపంలో నాదీ సగం.. కమాన్ కొట్టు అని అడిగిమరీ కొట్టించుకుంటాడు ఇడ్లీ. మొత్తానికి వాయింపు అయితే మామూలుగా ఉండదు. చెప్పవే.. కుట్ర ఏం చేశావో చెప్పు అని కర్ర తీసుకుని మళ్లీ వాయిస్తాడు ఇడ్లీ. నా భార్య చూడ్డానికి సిలెండర్‌లా ఉంటుంది కానీ.. చిన్న దెబ్బకి కూడా తట్టుకోలేదు.. ఇంకో దెబ్బ కొడితే చచ్చేలా ఉంది. ఇక వదిలేయండి బాబూ అని వేడుకుంటాడు ఇడ్లీ. ఇక ధీరజ్.. 'మా కుటుంబాన్ని విడదీసినందుకు మిమ్మల్ని చంపేయాలనేంత కోపం ఉంది కానీ.. మా వదిన ప్రెగ్నెంట్ అనే ఒకే ఒక్క కారణంతో వదిలేస్తున్నా' అని అంటాడు ధీరజ్.

మిమ్మల్ని కొట్టాం అని తెలిస్తే.. వదిన డిస్ట్రబ్ అవుతుంది. వదిన డిస్ట్రబ్ అయితే కడుపులో ఉన్న బిడ్డ ఇబ్బంది పడుతుంది. అందుకే వదిలేస్తున్నా.. ఇంకోసారి ఇలాంటి కుట్రలు చేస్తే వదిలిపెట్టేది లేదు అని వార్నింగ్ ఇస్తాడు ధీరజ్. ఇక నర్మద.. 'వల్లీ అక్క కడుపు విషయంలో కూడా నాకు డౌట్‌గా ఉంది. అందులో ఏదైనా తేడా ఉందని తెలియాలీ.. అప్పుడు ఉంటుంది మీకు? అని వార్నింగ్ ఇచ్చి వెళ్తుంది. అమ్మడు కడుపు చూసి వదిలేశారు భాగ్యం..ఆ కడుపు అబద్దం అని తెలిస్తే మన పరిస్థితి ఏంటి? అని అంటాడు ఇడ్లీ. అమ్మో ఆ నిజం బయటపడితే ఇంకేమైనా ఉందా.. అలా జరగనివ్వను అని అనుకుంటుంది భాగ్యం.

అటు ధీరజ్ బతుకు బస్టాండ్ చేయడానికి పథకం రచించారు సేనాపతి, భద్రావతిలు. పోలీస్‌తో చేతులు కలిపి.. ఆ ధీరజ్ గాడి జైలు పాలు కావాలి.. వాడికి బెయిల్ కూడా రాకుండా కేసులో ఇరికించాలి' అని ఎస్‌ఐతో చెప్తారు. ఓ కిరాయి రౌడీతో మాట్లాడి.. మత్తుమందులున్న మామిడిపళ్లతో ధీరజ్ క్యాబ్ ఎక్కాలని పథకం రచిస్తారు. కారు ఎక్కిన తరువాత ఎస్ ఐగారికి ఇన్ఫర్మేషన్ ఇవ్వాలి అని అంటుంది భద్రావతి. నాకు ఇన్పర్మేషన్ రాగానే.. వాడ్ని మారకద్రవ్యాల కేసులో అరెస్ట్ చేసి లోపల పడేస్తాను.. అది చాలా పెద్ద నేరం కాబట్టి ఈ జన్మలో వాడికి బెయిల్ కూడా రాదు' అని అంటాడు ఎస్ఐ.

ఆ మాటతో భద్రావతి.. 'మనం అనుకున్న ప్లాన్ పక్కాగా జరిగిపోవాలి.. ఆ ధీరజ్ గాడు తప్పకుండా అరెస్ట్ అయ్యి తీరాలి' అని అంటుంది. వాడు మిస్ అయ్యే ఛాన్స్ లేదు.. రేపు ఇదే టైమ్‌కి వాడ్ని అడ్డంగా బుక్ చేస్తాను' అని అంటాడు రౌడీ. దాంతో భద్రావతి.. 'అయిపోయావ్ రా ధీరజ్.. నా మేనల్లుడిపై నీ చెల్లెలిపై కేసు పెట్టి అరెస్ట్ చేయిస్తావా? ఇప్పుడు దెబ్బకి దెబ్బ కొడుతున్నా.. నిన్ను జీవితాంతం జైల్లోనే ఉండేట్టు చేయబోతున్నానురా' అని పగతో రగిలిపోతుంది భద్రావతి. మరి ధీరజ్.. ఈ ఉచ్చులో చిక్కుకున్నాడో లేదంటే ప్రేమ మాస్టర్ మైండ్‌తో తప్పించుకున్నాడో తరువాతి ఎపిసోడ్‌లో చూద్దాం. 'ఇంటింటి రామాయణం' మే 30 ఎపిసోడ్: అవని ముందే మీనాక్షి చెంప పగలకొట్టిన పల్లవి.. 'ఈ వయసులో మొగుడు కావాల్సి వచ్చాడే'​