5G Premium Plans: దేశంలోని దిగ్గజ టెలింకాం సంస్థలైన రిలయన్స్ జియో, ఎయిర్‌టెల్ ప్రీమియం ప్లాన్లను తీసుకొచ్చేందుకు సిద్ధమవుతున్నాయి. ఇందుకోసం టెలికాం రెగ్యులేటరీ ట్రాయ్ (TRAI) నుంచి అనుమతి కోసం ఎదురుచూస్తున్నాయి.

రిలయన్స్ జియో ఇప్పటికే ఈ తరహా ప్రయత్నాలు మొదలు పెట్టింది. తాజాగా అదే దారిలో ఎయిర్‌టెల్ సైతం నడుస్తోంది. 5జీ ప్రీమియం సేవల కోసం నెట్‌ వర్క్ స్లైసింగ్ టెక్నాలజీని ఉపయోగించాలని ఆయా కంపెనీలు భావిస్తున్నాయి. ఇంతకీ ఈ స్లైసింగ్ టెక్నాలజీ ఏంటి, దేశంలో ఈ టెక్నాలజీకి ఎదురయ్యే సమస్యలు ఏంటి? తెలుసుకుందాం.

ప్రస్తుతం 4జీ రేట్ల తోనే 5జీ సేవలను అందిస్తున్నారు. ఈ కారణంగా ఆశించిన స్థాయిలో ఆదాయం రావడం లేదని టెలికాం కంపెనీలు చెబుతున్నాయి. 5జీ స్పెక్ట్రమ్, మౌలిక సదుపాయాల కోసం చేసిన ఖర్చులను తిరిగి రాబట్టుకునేందుకు ప్రీమియం సర్వీసులు ఒక్కటే మార్గమని భావిస్తున్నాయి. ఇందులో భాగంగానే ఎయిర్ టెల్ తన ఆదాయాన్ని పెంచుకోవాలని, నెట్ వర్క్ స్లైసింగ్ టెక్నాలజీని ఇందుకు ఉపయోగించుకోవాలని భావిస్తోంది. అందుకు ప్రీమియం ప్లాన్లను ప్రవేశపెట్టాలని యోచిస్తోంది.

ఏంటీ నెట్‌వర్క్ స్లైసింగ్?