బెంగళూరులోని సెంటర్ ఆఫ్ ఎక్స్‌లెన్స్‌లో నిర్వహించిన ఫిట్‌నెస్ పరీక్షలో బుమ్రా నెగ్గాడు. ఈ మేరకు జస్‌ప్రీత్ బుమ్రా పూర్తి ఫిట్‌నెస్‌తో ఉన్నాడని సెంటర్ ఆఫ్ ఎక్స్‌లెన్స్‌ తాజాగా ప్రకటించింది! దీంతో శ్రీలంకతో రెండు టెస్టుల సిరీస్‌లో అతడు ఆడటం ఖాయమైంది.

"జస్‌ప్రీత్ బుమ్రా గాయం నుంచి పూర్తిగా కోలుకున్నాడు. అతడు ఫిట్‌నెస్ టెస్టులను క్లియర్ చేశాడు. ఇప్పటికే శ్రీలంక సిరీస్‌ కోసం ఎంపిక చేసిన జట్టులో ఉన్న బుమ్రా.. రెండు టెస్టులకూ అందుబాటులో ఉంటాడు" అని బీసీసీఐ వర్గాలు వెల్లడించాయి. ఇంగ్లాండ్‌తో రెండో వన్డే సందర్భంగా బుమ్రా గాయపడ్డాడు. దీంతో లార్డ్స్‌లో జరిగిన మూడో వన్డేకు దూరమయ్యాడు. ఆ మ్యాచ్‌లో భారత్ ఓడిపోయి.. సిరీస్‌ను 1-2తో కోల్పోయింది.

ప్రపంచ టెస్ట్ ఛాంపియన్‌షిప్‌ 2025-2027 సైకిల్‌లో టీమిండియా ఫైనల్ చేరాలంటే శ్రీలంకతో టెస్ట్ సిరీస్‌ కీలకం. అందుకే పూర్తిస్థాయి జట్టుతో ఈ సిరీస్‌ ఆడాలని బీసీసీఐ భావిస్తోంది. బుమ్రా తుది జట్టులో ఉంటే శ్రీలంక బ్యాటర్లకు సవాల్‌ విసరడం ఖాయం. ప్రస్తుత డబ్ల్యూటీసీ సీజన్‌లో భారత్‌ ఇంకా 9 టెస్టులను ఆడనుంది. ఇందులో కనీసం 7 మ్యాచుల్లో గెలిస్తేనే ఫైనల్‌కు చేరేందుకు అవకాశం ఉంటుంది.

భారత్, శ్రీలంక టెస్ట్ సిరీస్ షెడ్యూల్ ఇదే..
ప్రపంచ టెస్ట్ ఛాంపియన్‌షిప్ సైకిల్‌లో భాగంగా భారత జట్టు శ్రీలంక గడ్డ మీద రెండు టెస్టులు ఆడనుంది. తొలి టెస్టు గాలే వేదికగా ఆగస్టు 15న ప్రారంభం కానుండగా.. కోలంబో వేదికగా జరిగే రెండో ఆగస్టు 23-27 తేదీల మధ్య జరగనుంది.

శ్రీలంకతో టెస్ట్ సిరీస్ కోసం భారత జట్టు: