తన కుమారుడి రెండో సినిమా గురించి గాయని సునీత మాట్లాడుతూ ఎమోషనల్ అయ్యారు. ఆకాష్ ఎంతో కష్టపడి ఈ స్థాయికి వచ్చాడని, ప్రేక్షకులు అతడిని ఆశీర్వదించాలని కోరారు. ఒక మంచి వినోదభరితమైన కథతో దర్శకుడు ఈ చిత్రాన్ని రూపొందించారని, ఈ చిన్న చిత్రానికి అగ్ర సంస్థ మైత్రి మూవీస్ అండగా నిలవడం తమకు ఎంతో గర్వకారణంగా ఉందని హర్షం వ్యక్తం చేశారు.

* విజయ్ బాటలోనే ధనుష్?... పొలిటికల్ ఎంట్రీపై తండ్రి కస్తూరి రాజా సంచలన వ్యాఖ్యలు

నిర్మాత తాటి బాలకృష్ణ మాట్లాడుతూ.. ఈ చిత్రం ద్వారా తానే కాకుండా దర్శకుడు, హీరోయిన్ కూడా పరిశ్రమకు పరిచయమవుతున్నట్లు తెలిపారు. సరికొత్త అనుభూతిని పంచేలా పల్లెటూరి నేపథ్యంలో ఈ సినిమాను నిర్మించామని, ప్రస్తుతం నిర్మాణానంతర పనులు ముగింపు దశకు వచ్చాయని చెప్పారు. హీరో ఆకాష్, హీరోయిన్ భైరవి మాట్లాడుతూ.. తమకు ఈ చిత్రంలో నటించే అవకాశం ఇచ్చిన దర్శక నిర్మాతలకు, మద్దతుగా నిలిచిన మైత్రి సంస్థకు ప్రత్యేక కృతజ్ఞతలు తెలిపారు. ముఖ్య అతిథిగా వచ్చిన నిర్మాత సి. కళ్యాణ్ చిత్ర యూనిట్‌కు శుభాకాంక్షలు తెలుపుతూ.. సునీత తమ కుటుంబ సభ్యురాలని, ఆమె కుమారుడి చిత్రం పెద్ద విజయం సాధించాలని ఆకాంక్షించారు. నటుడు రఘుబాబు మాట్లాడుతూ.. మైత్రి మూవీస్ ఈ సినిమా పంపిణీ బాధ్యతలు తీసుకుందంటేనే చిత్రంలోని కంటెంట్ ఏంటో అర్థమవుతోందని, ఆకాష్‌కు హీరోగా మంచి భవిష్యత్తు ఉంటుందని ప్రశంసించారు. సీనియర్ నటుడు భానుచందర్ సైతం ట్రైలర్ చాలా ప్రామిసింగ్‌గా ఉందని, ఈ చిన్న చిత్రాన్ని ప్రేక్షకులు పెద్ద సక్సెస్ చేయాలని పిలుపునిచ్చారు.