100 కోట్ల క్లబ్ లో చేరింది. తొలి రోజే రూ. 16.7 కోట్ల గ్రాస్ రాబట్టిన ఈ చిత్రం, కేవలం 20 రోజుల్లోనే వంద కోట్ల మార్కును అందుకుని అఖిల్ కెరీర్‌లోనే అతిపెద్ద మైలురాయిగా నిలిచింది. ఈ భారీ విజయంతో ఉత్సాహంలో ఉన్న అఖిల్, తన తర్వాతి చిత్రాల కథల ఎంపిక విషయంలో చాలా జాగ్రత్తగా వ్యవహరిస్తున్నారు.

ఇదే క్రమంలో ఆయన తన తదుపరి చిత్రాన్ని ఒక స్టార్ డైరెక్టర్‌తో చేయడానికి సన్నాహాలు చేస్తున్నట్లు వార్తలు వస్తున్నాయి. 'గీత గోవిందం', 'సర్కారు వారి పాట' వంటి హిట్ చిత్రాలను అందించిన దర్శకుడు పరశురామ్ ఇటీవల అఖిల్‌కు ఒక వైవిధ్యమైన కథను వినిపించినట్లు తెలుస్తోంది. అఖిల్ బాడీ లాంగ్వేజ్‌కు, ఎనర్జీకి తగినట్లుగా పూర్తిస్థాయి మాస్, ఫ్యామిలీ ఎంటర్‌టైనర్‌గా ఈ కథను సిద్ధం చేశారట. కథ విని బాగా ఇంప్రెస్ అయిన అఖిల్, ఈ ప్రాజెక్ట్‌కు సానుకూలంగా స్పందించినట్లు ఫిలింనగర్ సమాచారం. లవర్ బాయ్ ఇమేజ్‌ని పక్కనపెట్టి 'లెనిన్‌'లో ఊరమాస్ గెటప్‌లో అలరించిన అఖిల్‌ని పరశురామ్ ఎలా చూపించబోతున్నాడన్నది ఇప్పుడు అందరిలోనూ ఆసక్తి రేపుతోంది.

* హృతిక్ రోషన్‌తో పరశురామ్ క్రేజీ ప్రాజెక్ట్.. బాలీవుడ్‌లో జెండా పాతనున్న 'గీత గోవిందం' డైరెక్టర్?

టాలీవుడ్‌లో పలు విజయవంతమైన చిత్రాలతో తనకంటూ ప్రత్యేక గుర్తింపు తెచ్చుకున్న పరశురామ్, 'గీత గోవిందం'తో స్టార్ డైరెక్టర్ల జాబితాలో చేరారు. అయితే తర్వాత ఆయన దర్శకత్వం వహించిన 'సర్కారు వారి పాట', 'ది ఫ్యామిలీ స్టార్' చిత్రాలు ఆశించిన విజయాన్ని సాధించలేకపోయింది. దీంతో ఈసారి ఎలాగైనా సరే గట్టి హిట్‌ కొట్టాలనే పట్టుదలతో పరశురామ్ ఈ స్క్రిప్ట్‌ను ఎంతో ప్రతిష్టాత్మకంగా సిద్ధం చేసినట్లు వినబడుతోంది. 'లెనిన్' లాంటి భారీ సక్సెస్ తర్వాత అఖిల్, మాస్ ఎనర్జీతో పరశురామ్ కాంబినేషన్ కలవనుండటంతో ఈ ప్రాజెక్ట్‌పై టాలీవుడ్‌లో ఆసక్తి నెలకొంది.

గతంలో పరశురామ్ తదుపరి చిత్రం నందమూరి కళ్యాణ్ రామ్‌తో ఉండబోతోందని, దిల్ రాజు నిర్మాణంలో ఈ సినిమా రానుందనే ప్రచారం జరిగింది. అలాగే బాలీవుడ్‌ గ్రీక్ గాడ్ హృతిక్ రోషన్‌తోనూ ప్రాజెక్ట్ చేస్తారని రూమర్లు వచ్చాయి. అయితే, ప్రస్తుత పరిణామాల ప్రకారం అఖిల్, పరశురామ్ కాంబినేషన్‌లోనే సినిమా ముందుగా పట్టాలెక్కే అవకాశాలు స్పష్టంగా కనిపిస్తున్నాయి. దీనికి సంబంధించిన అధికారిక ప్రకటన త్వరలోనే వెలువడే అవకాశం ఉంది.