​మీన రాశి వారికి ఉగాది నుంచి ఆర్థిక పరంగా కొంత ఇబ్బందికరంగా ఉంటుంది. సంవత్సరం ప్రారంభం నుంచి జూన్ 2 వరకు, సంపదను సూచించే గ్రహం అయిన గురుడు మొదటి స్థానంలో సంచారం చేయనున్నాడు. అంతకంటే ముందు గురుడు పన్నెండో స్థానంలో దహనం కారణంగా ఖర్చులు పెరిగే అవకాశం ఉంది. మరోవైపు రాహువు, కేతువు సంచారం కారణంగా ఆర్థిక పరంగా మెరుగైన ప్రయోజనాలు కలిగే అవకాశం ఉంది. అనవసరమైన ఖర్చుల బాధ తగ్గిపోవడంతో మంచి ఉపశమనం పొందుతారు. ఈ కారణంగా మీ ఆర్థిక పరిస్థితి బలోపేతం చేసుకునే అవకాశం ఉంది.

తెలుగు నూతన సంవత్సరంలో మీన రాశి వారికి రాజపూజ్యం -07, అవమానం-02గా ఉంటాయి. ఉగాది నుంచి గురుడి ప్రభావం కారణంగా మీ కుటుంబ జీవితంలో సానుకూల ఫలితాలొచ్చే అవకాశం ఉంది. కుజుడి కారణంగా ఎలాంటి ఇబ్బందులు ఉండకపోవచ్చు. జూన్ 2 నుంచి అక్టోబర్ 31వ తేదీ వరకు గురుడి శుభ స్థానం కారణంగా మీ కుటుంబ వాతావరణం మెరుగుపడుతుంది. ఈ కారణంగా మీ కుటుంబంలో శుభకార్యాలు జరిగే అవకాశాలున్నాయి. సంవత్సరం ప్రారంభం నుంచి జూన్ 2వ తేదీ వరకు నాలుగో స్థానంలో గురుడు ఉండటం వల్ల కొన్ని చిన్న సమస్యలు ఎదురయ్యే అవకాశం ఉంది. కాబట్టి జాగ్రత్తగా ఉండాలి.

​మీన రాశి వారికి శ్రీ పరాభవ నామ సంవత్సరంలో శని దేవుని ప్రభావంతో ప్రతికూల ఫలితాలు ఏర్పడే అవకాశం ఉంది. ఈ కాలంలో మీకు ఏలినాటి దశ కారణంగా ఆరోగ్య పరంగా కొన్ని సమస్యలు ఎదుర్కోవచ్చు. రాజకీయాల్లో ఉండే వ్యక్తులు తీవ్ర నష్టాలు ఎదుర్కోవాల్సి రావొచ్చు. ప్రత్యర్థులు మీరు చేసే పనుల్లో ఆటంకాలు కలిగించే అవకాశం ఉంది. కాబట్టి జాగ్రత్తగా ఉండాలి. లేదంటే మీరు చాలా నష్టపోవాల్సి రావొచ్చు. మీన రాశి వారికి ఏలినాటి శని దశ ఆగస్టు 2029తో పూర్తవుతుంది. శని దేవుని ప్రభావం నుంచి ఉపశమనం పొందడానికి ప్రతి శనివారం శని దేవుడికి నల్ల నువ్వుల నూనె, తైలాభిషేకం చేయాలి. ఆరోగ్య పరంగా ఎలాంటి ఇబ్బందులు లేని వ్యక్తులు శనివారం రోజున పగటిపూట ఉపవాసం ఉండటం కారణంగా శని ప్రతికూలతను తగ్గించుకోవచ్చు.

మీన రాశి వారికి కొత్త ఏడాదిలో రాహువు అనుగ్రహంతో సానుకూల ఫలితాలు రానున్నాయి. రాహువు కారణంగా మీకు ఆదాయం పెరిగే అవకాశం ఉంది. మీరు చాలా కష్టపడాల్సి ఉంటుంది. వ్యక్తిగత జాతకంలో కాలసర్ప దోషం కలిగి ఉన్న వ్యక్తులు సంతానానికి సంబంధించిన సమస్యలు ఎదుర్కొంటారు. ఈ కారణంగా మానసికంగా కొంత ఆందోళన ఉంటుంది. ఈ పరిస్థితుల ప్రభావం నుంచి ఉపశమనం పొందడానికి రాహు గ్రహ శాంతి చేయడం మంచిది.

మీన రాశి వారికి శ్రీ పరాభవ నామ సంవత్సరంలో కేతువు కారణంగా సానుకూల ఫలితాలొచ్చే అవకాశం ఉంది. ఈ కాలంలో మీరు చాలా సందర్భాల్లో చురుగ్గా ఉంటారు. ఈ కాలంలో మీ ఆదాయం పెరిగే అవకాశం ఉంది. మీకు రావాల్సిన బకాయిలు సకాలంలో పొందే అవకాశాలున్నాయి. మొత్తం మీద మీన రాశి వారికి శ్రీ పరాభవ నామ సంవత్సరంలో ఏలినాటి శని దశ కారణంగా ప్రతికూల ఫలితాలు, గురువు, రాహువు, కేతువు అనుగ్రహంతో శుభ ఫలితాలు రానున్నాయి.

మీన రాశి వారికి ఉగాది తర్వాత విద్యా రంగంలో శుభ ఫలితాలొచ్చే అవకాశం ఉంది. ఉన్నత విద్యను సూచించే గురు గ్రహం ఏడాది ప్రారంభం నుంచి జూన్ 2వ తేదీ వరకు నాలుగో స్థానంలో ఉండటం కారణంగా విద్యా రంగంలో శుభప్రదంగా ఉంటుంది. ఈ కాలంలో మీ చుట్టూ ఉన్న వాతావరణం అనుకూలంగా ఉండకపోవచ్చు. కాబట్టి జాగ్రత్తగా ఉండాలి. అయితే జూన్ 02 నుంచి అక్టోబర్ 31వ తేదీ వరకు గురుడి స్థానం చాలా అనుకూలంగా ఉంటుంది. గురుడు పంచమ స్థానంలో ఉండటం కారణంగా చాలా అనుకూలంగా ఉంటుంది. అక్టోబర్ 31 తర్వాత గురుడు అనుగ్రహంతో మీన రాశి విద్యార్థులకు పోటీ పరీక్షల్లో సమయం అనుకూలంగా ఉంటుంది.

మీన రాశి వారికి కొత్త ఏడాదిలో వ్యాపారంలో మిశ్రమ ఫలితాలొచ్చే అవకాశం ఉంది. ఈ కాలంలో వ్యాపారులు ఎలాంటి రిస్క్ తీసుకోకూడదు. ఈ రాశి నుంచి మొదటి స్థానంలో శని సంచారం కారణంగా మీ పనుల్లో వేగం తగ్గొచ్చు. బుధుడి అనుగ్రహం కారణంగా వ్యాపారులకు మంచి లాభాలొచ్చే అవకాశం ఉంది. మరోవైపు శని, రాహువు కారణంగా వ్యాపారంలో ఎలాంటి రిస్క్ తీసుకోకూడదు. విదేశాలతో సంబంధం ఉన్న వ్యక్తులకు కొంత ఇబ్బంది ఉండొచ్చు. అక్టోబర్ 31 తర్వాత గురుడు ఆరో స్థానంలోకి ప్రవేశించనున్నాడు. ఈ కాలంలో మీరు కష్టపడి పని చేయాల్సి రావొచ్చు.

మీన రాశి వారికి తెలుగు నూతన సంవత్సరంలో ఆరోగ్య పరంగా మిశ్రమ ఫలితాలు రానున్నాయి. ఈ రాశి నుంచి శని మొదటి స్థానంలో ఉండటం కారణంగా ఆరోగ్య పరంగా అనుకూలంగా ఉండొచ్చు. అయితే సూర్యుడు, కుజుడు వంటి గ్రహాల దుష్ప్రభావాల కారణంగా మీకు కొన్ని సమస్యలు ఎదుర్కోవాల్సి రావొచ్చు. ఈ రాశికి అధిపతి అయిన గురుడు ఏడాది ప్రారంభం నుంచి జూన్ 2వ తేదీ వరకు నాలుగో స్థానంలో ఉండటం కారణంగా ప్రతికూల పరిస్థితుల నుంచి మీకు రక్షణ లభించొచ్చు. జూన్ 2 నుంచి అక్టోబర్ 31వ తేదీ వరకు గురుడి స్థానం మీ ఆరోగ్యానికి అనుకూలంగా ఉంటుంది.

మీన రాశి వారికి కొత్త ఏడాదిలో ప్రేమ జీవితంలో సానుకూల ఫలితాలు రానున్నాయి. 5 డిసెంబర్ 2026 తర్వాత రాహు-కేతువు ప్రభావంతో మీ ప్రేమ జీవితంలో కొన్ని సమస్యలు ఉండొచ్చు. అంతకుముందు జూన్ 2 నుంచి అక్టోబర్ 31వ తేదీ వరకు మీ ప్రేమ జీవితంలో సంతోషంగా ఉండొచ్చు. ఈ కాలంలో ప్రేమ వివాహం చేసుకోవాలనుకునే వారికి సానుకూల ఫలితాలొచ్చే అవకాశం ఉంది.

* మీన రాశి వారు కొత్త ఏడాదిలో మర్రి చెట్టు వేర్లకు తీపి పాలు సమర్పించాలి.
* పెద్దలకు, గురువులకు సేవ చేయాలి.
* మీ శక్తి, సామర్థ్యాల మేరకు అన్నదానం వల్ల శుభ ఫలితాలొస్తాయి.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ''సమయం తెలుగు'' దృవీకరించడం లేదు.
Read Latest Astrology News and Telugu News