ఇప్పటికే రిలీజైన ప్రమోషనల్ కంటెంట్ కు ట్రెమండస్ రెస్పాన్స్ వచ్చింది. సినిమాపై హైప్ క్రియేట్ చేసింది. మురళి కిషోర్ అబ్బూరు దర్శకత్వంలో అక్కినేని నాగార్జున, సూర్యదేవర నాగవంశీ సంయుక్తంగా నిర్మిస్తున్న ఈ చిత్రం జూలై 10న వరల్డ్ వైడ్‌గా థియేటర్లలో విడుదల కానుంది. ఈ క్రమంలో ఆదివారం నాడు తిరుపతిలో ప్రీ-రిలీజ్ ఈవెంట్‌ను నిర్వహించారు. ఇందులో కింగ్ నాగార్జున తన స్పీచ్ తో అభిమానుల్లో ఉత్సాహాన్ని రెట్టింపు చేశారు.

నాగార్జున మాట్లాడుతూ.. ''దర్శకుడు నందు ముందుగా శ్రీరామపురంలో జరిగే కథ అని చెప్పారు. నాన్నగారు శ్రీరామపురంలో అనే ఊర్లోనే పుట్టారు. నందు చెప్పిన కథ నాకెంతో నచ్చింది. ప్రతీ పాత్రలో రకరకాల కోణాలున్నాయి. సెకండాఫ్‌లో వచ్చే ట్విస్టుల్ని ఎవ్వరూ ఊహించలేరు. ప్రేమ కోసం రాజ్యాలు కూలిపోయాయి.. యుద్దాలు జరిగాయి.. 'లెనిన్'లోనూ ఓ ప్రేమ కథ ఉంది. భారతి (భాగ్యశ్రీ బోర్సె) కోసం ఎన్ని యుద్ధాలైనా చేయొచ్చు. ఆమె అంత అందంగా ఉంది. అంతే అద్భుతంగా నటించింది. భారతి ఈ సినిమాకి హార్ట్ బీట్‌ లాంటిది. శివాజీ, బ్రహ్మాజీ ఈ సినిమాలో నటించినందుకు ఆనందంగా ఉంది. సునీల్‌తో కలిసి నేను ఎన్నో సినిమాలు చేశాను. వీరంతా 'లెనిన్' మీద ప్రేమతో చాలా కష్టపడ్డారు'' అని అన్నారు.

''థమన్ మంచి మ్యూజిక్ ఇచ్చారు. నవీన్ నూలి ఎడిటింగ్, బ్రిట్టో సినిమాటోగ్రఫీ అద్భుతంగా ఉన్నాయి. చింటు అన్న(నాగవంశీ)కి మాస్ పల్స్ గురించి తెలుసు (నవ్వుతూ). చింటుకి ఈ మూవీ ఉన్న నమ్మకంతో ఏపీ అంతా డిస్ట్రిబ్యూట్ చేస్తున్నారు. 'లెనిన్' ఈ సీమ కథ, సీమ మట్టి కథ, సీమలో ఉన్న మనుషుల కథ, సీమలో జరుగుతున్న మహా భారతం. అఖిల్ ఇలాంటి కథకు సూట్ అవుతాడా? అని మొదట్లో చాలా భయపడ్డాను. కానీ సినిమా చూశాక నేనే కాదు, అందరూ ఆశ్చర్యపోయారు. అఖిల్ కనిపించలేదు.. లెనిన్ మాత్రమే కనిపించాడు. లెనిన్ ప్రేమను, పగను ప్రేమిస్తారు.. లెనిన్‌ను ఇంటికి తీసుకు వెళ్తారు. మనందరికీ ఆ దేవుడు వెంకటేశ్వర స్వామి.. మా నాన్నకు ప్రేక్షకులే దేవుళ్లు. ప్రేక్షక దేవుళ్ల సాక్షిగా చెబుతున్నాను.. జూలై 10 వస్తున్నాం.. మనవాడు కొడుతున్నాడు'' అని నాగ్ చెప్పుకొచ్చారు.

నాగార్జున 'సోగ్గాడే చిన్ని నాయన' నుంచి ఫుల్ కాన్ఫిడెంట్ గా ఉన్న సినిమాలకు 'వస్తున్నాం కొడుతున్నాం' అనే స్టేట్మెంట్ ఇస్తుంటారు. గతంలో ఆయన ఇలా చెప్పిన సినిమాలన్నీ ఘన విజయం సాధించాయి. ఇప్పుడు 'లెనిన్' మూవీ విషయంలో దాన్నే కొంచెం మార్చి, ''జూలై 10 వస్తున్నాం.. మనవాడు కొడుతున్నాడు'' అని అన్నారు. దీంతో అభిమానులందరూ ఖుషీ అవుతున్నారు. ఆల్రెడీ సినిమా చూసిన కింగ్ నాగ్ ఇలా చెబుతున్నారంటే, బొమ్మ బ్లాక్ బస్టర్ అయినట్లే అని ధీమా వ్యక్తం చేస్తున్నారు.
* 'మీకు నా మొహం చూపించలేకపోతున్నా.. మనసులో ఎంతో బాధగా ఉంది'.. అఖిల్ ఎమోషనల్ స్పీచ్

ఇక 'లెనిన్' ప్రీ రిలీజ్ ఈవెంట్‌లో నిర్మాత సూర్యదేవర నాగవంశీ మాట్లాడుతూ.. ''లెనిన్' కోసం అఖిల్ చాలా కష్టపడ్డాడు. నేనే అఖిల్‌ను ఎక్కువ ఇబ్బంది పెట్టాను. ఈ సినిమా చాలా ఎంగేజింగ్‌గా ఉంటుంది. చాలా సర్ప్రైజ్‌లు ఉంటాయి. బల్లగుద్ది చెప్తున్నా.. అఖిల్ ఈసారి ఏ ఒక్కరినీ కూడా డిజప్పాయింట్ చేయడు. ఇంటర్వెల్, చివరి 40 నిమిషాలు మాత్రం ఖంగుతినేలా ఉంటుంది. రెండు మూడుసార్లు సర్ప్రైజ్ అవుతారు. రెగ్యులర్ ఫార్మాట్‌లా మాత్రం అస్సలు ఉండదు. స్క్రీన్ ప్లే చాలా కొత్తగా ఉంటుంది. భాగ్య శ్రీ మాకెంతో సపోర్ట్ చేశారు. శివాజీ, సునీల్ అద్భుతంగా నటించారు. నేను, తమన్ కలిసి వచ్చిన ప్రతీసారి బ్లాక్ బస్టర్ వస్తుంది. మా కాంబోలో అసలు అపజయం అన్నదే లేదు. నాగార్జున గారూ.. మనం హిట్టు కొట్టిన తర్వాత మాట్లాడదాం'' అని అన్నారు.