చాలా మంది ఎలక్ట్రిక్ స్కూటర్ లేదా బైక్ కొనుగోలు చేస్తే మంచిదని భావిస్తున్నారు. అయితే, మార్కెట్లో ఉన్న ఎలక్ట్రిక్ బైకుల ధరలు భారీగానే ఉన్నాయి. దీంతో వెనకడుగు వేయాల్సి వస్తుంది. అయితే దేశంలోనిదిగ్గజ ఎలక్ట్రిక్ టూ-వీలర్ల తయారీ కంపెనీ ఓలా ఎలక్ట్రిక్ మొబిలిటి మరోసారి సరికొత్త ఆఫర్ తీసుకొచ్చింది. ఎండ్‌సియేజ్ (EndICEAge) పేరుతో పెట్రోల్ బంద్ ముహూరత్ సేల్ తీసుకొచ్చింది. తక్కువ ధరకే ఎలక్ట్రిక్ బైక్ అందిస్తోంది. మరి ఆ వివరాలు తెలుసుకుందాం.

సోషల్ మీడియా ఎక్స్ వేదికగా ఈ కొత్త సేల్ గురించి ఓలా కంపెనీ ఓ పోస్ట్ చేసింది. 'పెట్రోల్ బంద్ లైఫ్ ఆన్. ఎలక్ట్రిక్ వెహికల్‌కి మారి పెద్ద మొత్తంలో ఆదా చేసుకునేందుకు మీకు ఇదే సరైన సమయం. 4.5 కిలోవాట్ హవర్ బ్యాటరీతో వస్తున్న రోడ్‌స్టర్ ఎక్స్ ఎలక్ట్రిక్ బైక్ కేవలే రూ.79,999లకే లభిస్తోంది. అయితే ఈ ఆఫర్ కేవలం ముహూరత్ సమయాల్లోనే అందుబాటులో ఉంటుంది. ఇప్పుడు అన్ని ఓలా స్టోర్లలో, ఆన్‌లైన్‌లోనూ ఈ ఆఫర్ అందుబాటులో ఉంది.' అని తెలిపింది.

ఈ ప్రత్యేక ఆఫర్‌లో భాగంగా పెట్రోల్ బంద్ ముహూరత్ సమయాన్ని ఓలా వెల్లడిస్తుంది. ఏప్రిల్ 1, 2026 రోజున ముహూరత్ సమయం సాయంత్రం 04.59 గంటల నుంచి 06.31 పీఎం వరకు ఉంటుందని, ఆ సమయంలో బుకింగ్ చేసుకున్న వారికి ఓలా రోడ్‌స్టర్ ఎక్స్ 4.5కేడబ్ల్యూహెచ్ బైక్ కేవలం రూ.79,999లకే పొందవచ్చని తెలిపింది. #EndICEAge పేరుతో ప్రత్యేక డిస్కౌంట్ ఆఫర్లను ఓలా కంపెనీ ప్రకటిస్తున్న సంగతి తెలిసిందే. ఇప్పుడు పెట్రోల్ బంద్ ముహూరత్ పేరుతో ఎలక్ట్రిక్ బైక్‌పై ఆఫర్ అందిస్తోంది. చాలా తక్కువ ధరకే ఈ-బైక్ సొంతం చేసుకోవచ్చని తెలిపింది.

మార్చిలో పెరిగిన సేల్స్