అందులో 3 స్టాక్స్ ఇన్వెస్టర్ల పెట్టుబడిని పలు రెట్లు పెంచి మల్టీబ్యాగర్ స్టాక్స్‌లో నిలిచాయి. ఈ స్టాక్స్‌ను ప్రత్యేక కేటగిరీలోని అంశాలను పరిగణనలోకి తీసుకుని జాబితా చేయడం జరిగింది. అందులో కంపెనీల మార్కెట్ క్యాపిటలైజేషన్ రూ.1000 కోట్ల లోపు ఉండి షేర్ల ధర రూ.20 లోపు ఉంటూ రోజుకు సగటున 5 లక్షల షేర్ల ట్రేడింగ్ వాల్యూమ్ ఉన్న వాటిని ఎంచుకోవడం జరిగింది. దీంతో చాలా తక్కువ ధరకో మంచి పనితీరు గల మైక్రో క్యాప్ స్టాక్స్ లభించాయి. ఈ స్టాక్స్ గత 8 నెలలుగా చూసుకుంటే హైరిటర్న్స్ ఇచ్చాయి. వీటిల్లో దిగ్గజ కంపెనీలు ఉన్నాయి.

పెన్నీ స్టాక్స్ తరచుగా వాటి తక్కువ ధర, అద్భుతమైన వృద్ధికి ఉన్న సామర్థ్యం కారణంగా దృష్టిని ఆకర్షిస్తాయి. కానీ ప్రతిఫలాలు ఆకట్టుకునేలా ఉన్నప్పటికీ, నష్టభయాలు కూడా అంతే ఎక్కువగా ఉంటాయి. ఈ స్టాక్స్‌లో సాధారణంగా తక్కువ లిక్విడిటీ, అధిక అస్థిరత, పరిమిత ఆర్థిక పారదర్శకత ఉంటాయి. పెట్టుబడిదారులు జాగ్రత్తగా వ్యవహరించాలి. పెన్నీ స్టాక్స్‌లో విజయం సాధించడానికి కేవలం అదృష్టం మాత్రమే కాదు, స్పష్టమైన వ్యూహం, పటిష్టమైన నష్ట నిర్వహణ కూడా అవసరం.

1. ట్రియో మెర్కంటైల్ అండ్ ట్రేడింగ్ (Trio Mercantile And Trading) కంపెనీ స్టాక్ ఈ 2026లో ఇప్పటి వరకు 8 నెలల్లో చూసుకుంటే ఏకంగా 326 శాతం మేర రాణించింది. లక్ష రూపాయలు పెట్టిన వారికి రూ.4.26 లక్షల వరకు అందించింది. ఈ స్టాక్ ధర కేవలం రూ.2.94 వద్ద ఉండడం గమనార్హం.
2. గుజరాత్ ఇంజెక్ట్ కేరళా లిమిటెడ్ (Gujarat Inject Keral Ltd) కంపెనీ స్టాక్ గత ఎనిమిది నెలల కాలంలో చూసుకుంటే 254 శాతం మేర రాబడులను అందించింది. లక్ష పెట్టిన వారికి రూ.3.54 లక్షలు అందించింది. ప్రస్తుతం ఈ స్టాక్ ధర రూ.12.66 వద్ద ఉంది.
3. స్టార్‌లైన్‌ప్స్ ఎంటర్ ప్రైజెస్ (Starlineps Enterprises) కంపెనీ స్టాక్ గత 8 నెలల కాలంలో 156 శాతం మేర పెరిగింది. లక్ష పెట్టిన వారికి రూ.2.56 లక్షలు అందించింది. ప్రస్తుతం ఈ కంపెనీ స్టాక్ ధర రూ.8.57 వద్ద ఉంది.
4. ఏసీఐ ఇన్ఫోకామ్ (ACI Infocom) కంపెనీ స్టాక్ గడిచిన 8 నెలల కాలంలో 63 శాతం మేర పెరిగింది. లక్ష పెట్టిన వారికి రూ.1.63 లక్షలు అందించింది. ఈ స్టాక్ ధర రూ.2.05 మాత్రమే.
5. ఎన్‌హెచ్ఏ ఫుడ్స్ (NHC Foods) కంపెనీ స్టాక్ ఈ ఏడాది 2026లో ఇప్పటి వరకు 60 శాతం మేర లాభాలు అందించింది. ఈ స్టాక్ ధర రూ.1.42 వద్ద ఉంది.
6. మేనా మని ఇండస్ట్రీస్ (Mena Mani Industries) కంపెనీ స్టాక్ గత ఎనిమిది నెలల్లో 54 శాతం మేర పెరిగింది. ప్రస్తుతం ఈ స్టాక్ ధర రూ.13.28 వద్ద ఉంది.
7. ఎన్‌సీఎల్ రీసర్చ్ అండ్ ఫైనాన్షియల్ సర్వీసెస్ (NCL Research And Financial Services) కంపెనీ స్టాక్ గత ఏడాదిలో 44 శాతం పెరిగింది. ఈ స్టాక్ ధర కేవలం 72 పైసలు మాత్రమే.
8. జీఏసీఎం టెక్నాలజీస్ (GACM) Technologies కంపెనీ స్టాక్ ఈ ఏడాదిలో ఇప్పటి వరుక 42 శాతం పెరిగింది. ఈ స్టాక్ ధర 78 పైసలు మాత్రమే.
9. క్వాడ్రాంట్ టెలివెంచర్స్ (Quadrant Televentures) స్టాక్ ఈ ఏడాదిలో 38 శాతం మేర పెరిగింది. ప్రస్తుతం ఈ స్టాక్ ధర 55 పైసలు మాత్రమే.
10. గ్రోవింగ్ టన్ వెంచర్స్ ఇండియా (Growington Ventures India) స్టాక్ ఈ ఏడాదిలో 23 శాతం మేర పెరిగింది. ఈ స్టాక్ ధర 98 పైసల్ మాత్రమే.