పొగరులో ఏ ఒక్కరూ తగ్గలేదు. ఒక తల్లి బిడ్డలే కదా.. పొగరులో కూడా సమానమే అని హారిక అంటుంది. ఇక ఆదికి మహా రాఖీ కడుతుంది. అన్నాచెల్లెళ్లిద్దరూ కూడా కంటతడి పెట్టుకుంటారు. అయితే చివరి నిమిషంలో ఆది అంతా తారుమారు చేశాడు. బృందావనం, అందులోని మనుషుల గురించి తక్కువ చేసి మాట్లాడతాడు. దీంతో మహాలక్ష్మీ ఫైర్ అవుతూ ఆదిని తిడుతుంది.

మీ లాంటి బాస్ అందరికీ ఉండాలి.. ఒక్క రోజు ఆఫీస్‌కి రాకపోతే.. ఇంటిక వచ్చి యోగక్షేమాలు అడిగారు.. అడగకుండానే లీవ్ ఇచ్చారు.. ఇలాంటి బాస్ అన్నయ్యగా అందరికీ ఉండాలి.. మీరు ఈ రాఖీ కట్టించుకుని చెల్లిని దీవించి.. చాక్లెట్ తినేస్తే మేం వెళ్లిపోతాం అని చక్రి అంటాడు. వాట్ ఈజ్ దిస్ అని విక్కీ.. ఐ డోంట్ నో విక్కీ అని లక్కీ అంటారు. మీ ఇద్దరి పేరు లంబో జంబో, బంటీ బబ్లు, రామ్ లక్ష్మణ్‌లా విక్కీ, లక్కీ కూడా కలిశాయి.. ఒక తల్లి బిడ్డల్లా అని చక్రి కామెడీ చేస్తుంటాడు.

ఓహో.. ఇతనికి నేను విక్కీతో క్లోజ్‌గా ఉండటం నచ్చలేదు.. ఏదో ఫీల్ అవుతున్నాడు.. జెలసీతో ఉంటున్నాడా? అయితే ఇతడ్ని కట్టడి చేయడానికి, ఆడుకోవడానికి ఓ టాపిక్ దొరికింది అని మహా తనలో తానే అనుకుంటుంది. నేను విక్కీకి రాఖీ కట్టను అని తెగేసి చెప్తుంది. దీంతో చక్రి కంగారు పడిపోతాడు. అది చూసి మహా మెల్లిగా నవ్వుకుంటుంది. ఇక విక్కీ కూడా నేను రాఖీ కట్టించుకోను.. ఆల్రెడీ కట్టాల్సిన వాళ్లు కట్టేశారు అని అంటాడు. దీంతో మహా మరింతగా నవ్వుకుంటుంది. చక్రి దెబ్బకు షాక్ అవుతాడు.

నువ్వే కజిన్ కదా.. కావాలంటే నువ్వే రాఖీ కట్టించుకో అని చక్రి మీద బాంబ్ వేస్తాడు విక్కీ. దీంతో మహా మళ్లీ నవ్వుకుంటుంది. మాది మేం చూసుకుంటాం లే అని చక్రి అంటాడు. సారీ విక్కీ నాకు తెలీదు.. ఇందుకోసం తీసుకు వచ్చాడని, మళ్లీ వస్తా అని వెళ్లిపోతుంది మహా. ఆ రాఖీ, చాక్లెట్ అక్కడే పెట్టి వెళ్లిపోతాడు చక్రి. అమ్మో రాఖీ కడుతుందేమో అని భయపడి చచ్చా.. అంటే నో చెప్పింది.. అంటే తనకు ఏదో ఫీలింగ్ ఉన్నట్టే కదా అని విక్కీ సంబర పడిపోతుంటాడు.

మీకు ఏమైనా పిచ్చా? ఎందుకు తీసుకు వచ్చారు? నేను విక్కీకి రాఖీ కడతా అని ఎలా అనుకున్నారు? మీరు ఇంకా ఏ కాలంలో ఉన్నారు? అని కావాలని చక్రిని ఉడికిస్తుంటుంది మహా. ఇంతలో చక్రికి హారిక నుంచి ఫోన్ వస్తుంది. వస్తున్నాం.. తీసుకు వస్తున్నా అని చక్రి అంటాడు. మళ్లీ ఎక్కడికి అని మహా అంటుంది. మీకు సర్ ప్రైజ్ ఇవ్వాలని అనుకున్నా.. మీ ఇద్దరూ నాకు షాక్ ఇచ్చారు.. ఇది వేరే పెద్ద సర్ ప్రైజ్ లేండి.. ముందు పదండి అని చక్రి అంటాడు.

రెస్టారెంట్‌కి వచ్చి కూర్చుంటారు ఆది, హారిక. ఏం తీసుకుంటావ్ అని ఆది అడిగితే.. మాట అని హారిక అంటుంది. మాటనా? అంటే.. అని ఆది ఆశ్చర్యపోతాడు. ఇక్కడేం జరిగినా మీరు కోప్పడొద్దు అని అంటుంది హారిక. కోపమా? ఎందుకు? అంటే ఇక్కడికి షాపింగ్ కోసం రాలేదా? అని ఆది అడుగుతాడు. కోపం తెచ్చుకోను అని మాట ఇవ్వండి అని హారిక అడుగుతుంది. సరే చెప్పు అని అంటాడు ఆది. దీంతో అప్పటికే వస్తున్న మహా, చక్రిని చూపిస్తుంది.. ఇక మహాకి కూడా ఆదిని చూపిస్తాడు చక్రి. ఇద్దరూ ఒకరినొకరు చూసుకుంటారు.

ఇది ఇక్కడకు ఎందుకు వచ్చింది.. అని ఆది.. వీడు ఇక్కడ ఉన్నాడని ఎందుకు చెప్పలేదు.. అని మహా, ఆది ఇద్దరూ పోట్లాడుకుంటూనే ఉంటారు. మీరు మీ చెల్లి ఇక రాఖీ కట్టదని బాధ పడుతూ ఉన్నారు కదా.. అని హారిక అంటే.. ఆ విషయం చెప్పి అడుక్కుని ఇక్కడకు పిలిచావా? అని ఆది అంటాడు. లేదండి.. మీరు ఇచ్చిన చైన్ తెగిందని మహా బాధపడుతూ ఉందట.. ఇక రాఖీ కట్టలేనేమో అని ఏడుస్తూ ఉందట.. అందుకే ఇలా చక్రి ప్లాన్ చేశాడు.. అని హారిక అంటుంది.

రక్త సంబంధాన్ని తెంచుకుంటే తెగిపోదు.. మీ అన్నాచెల్లెళ్లు ఇన్నేళ్లలో ఎప్పుడూ కూడా రాఖీ పండుగను మిస్ చేసుకుంది లేదు.. ఇప్పుడు కూడా మిస్ అవ్వొద్దు అని ఇలా చేశాం.. ఇలాంటి పండుగల టైంలోనే అందరూ కలిసిపోయేది.. మీరు కూడా రాఖీ కట్టించుకోండి అని ఆదితో హారిక అంటుంది. దానికి పొగరా? అది కట్టదా? నేనే అడుక్కోవాలా? అని ఆది అంటాడు. నీకు మాత్రం పొగరు తక్కువా? అని మహా కూడా అంటుంది. ఇద్దరూ ఒక తల్లి కడుపు నుంచే వచ్చారు కదా.. పొగరు కూడా సమానంగానే ఉంటుంది అని హారిక అంటుంది.

వీడికే ఎక్కువ పొగరు అని మహా, దీనికే ఎక్కువ పొగరు అని ఆది.. ఇది మా మాట ఎప్పుడు వినలేదు.. అని ఆది.. అయితే ఇప్పుడు కూడా విను అని మహా.. ఇలా ఇద్దరూ మాటలతోనే పోట్లాడుకుంటూ ఉంటారు. దీంతో హారిక, చక్రి పక్కకు వెళ్లి అంతా సిద్దం చేస్తారు. వీళ్లు ఇంకా తిట్టుకోవడం ఆగలేదా? అని హారిక నవ్వుకుంటుంది. ఇక హారతి పళ్లెం రెడీ చేసి తీసుకు వస్తుంది హారిక. ఇక మీ గొడవలు కాసేపు పక్కన పెట్టి.. ఈ రాఖీ కట్టించుకోండని అంటుంది హారిక.

ఏ.. అది కట్టదా? నేనే అడుక్కోవాలా? అని ఆది అంటాడు. ఇంతలో రాఖీ తీసుకుని ఆది చేతికి కడుతుంది మహా. ఆ కట్టే టైంలోనే మహా కన్నీటి చుక్కలు ఆది చేతిపై పడతాయి. ఇప్పుడు ఇది ఎందుకు ఏడుస్తోందట.. దాన్ని ఎవరైనా ఏమైనా అన్నారా? తిట్టారా? అని అంటాడు ఆది. నా ఏడ్పు ఎందుకో మీకు అర్థం అయితే.. నాకు ఇలాంటి పరిస్థితి ఎందుకు వస్తుంది అని మహా అంటుంది. మహా మాటలకు ఆది కూడా కన్నీరు పెట్టుకుంటాడు. ఇప్పుడు నీకు ఎందుకు కన్నీరు వస్తోంది.. నిన్ను ఎవరైనా తిట్టారా? కొట్టారా? అని మహా అంటుంది.

నా కన్నీరు ఎందుకు వచ్చిందో నీకు అర్థమైతే.. నువ్వు మా అందరినీ వదిలి ఎందుకు వెళ్తావ్.. అని ఆది అంటాడు. ఇప్పుడు అవన్నీ ఎందుకు లే.. అని మహా అంటుంది. రాఖీ కట్టి ఏం ఇవ్వలేదు అని మళ్లీ అంటావ్.. ఈ డబ్బులు తీసుకో అని అంటాడు ఆది. నా పేరు తాయారు కాదు అని అంటుంది మహా. తాయారు ఎవరు అని హారిక అడిగితే.. మా అత్త అని చక్రి అంటాడు. దీంతో హారిక నవ్వుతుంది. నేను డబ్బుల కోసం రాలేదు.. కావాలంటే అక్షింతలు వేసి ఆశీర్వదించు అని అంటుంది మహా.