ఉదయం గ్యాస్ విపరీతంగా వస్తోందా. పొట్ట అంతా టైట్ గా అనిపిస్తోందా. ఇలా అనిపించడానికి ఎన్నో కారణాలుంటాయి. అందులే మొట్ట మొదటిది ఆహారపు అలవాట్లు సరిగ్గా లేకపోవడం.
రాత్రి పూట ఆలస్యంగా తినడం, ప్రాసెస్డ్ ఫుడ్ అతిగా తీసుకోవడం లాంటి వాటి వల్ల చాలా త్వరగా ఈ సమస్య తలెత్తుతుంది. ఇక దీంతో పాటు మరి కొన్ని కారణాలు కూడా ఉన్నాయి. సరిగ్గా నీళ్లు తాగకపోవడం కూడా ఓ రీజనే. మరి ఈ ఇబ్బంది తగ్గడానికి ఏం చేయాలి. ఎలాంటి చిట్కాలు పాటిస్తే త్వరగా రిలీఫ్ వస్తుందో తెలుసుకుందాం.
ఉదయం నిద్ర లేవగానే ఎంత ప్రశాంతంగా రోజు మొదలైతే అంత మంచిది. కాస్త చిరాకు అనిపించినా ఈ ఎఫెక్ట్ రోజంతా ఉంటుంది. ముఖ్యంగా జీర్ణ సమస్యలు ఉదయం ఎక్కువగా ఉంటే అసలు భరించలేరు. పొద్దున్నే పొట్ట ఉబ్బరం, గ్యాస్ తో చాలా మంది ఇబ్బంది పడుతుంటారు. ఆ సమయంలో తాత్కాలిక ఉపశమనం కోసం ఏదో ఓ ట్యాబ్లెట్ వేసుకుని వదిలేస్తారు. కానీ..ఇలా రోజూ జరుగుతోందంటే మాత్రం కచ్చితంగా జీర్ణ వ్యవస్థలో సమస్యలున్నట్టే లెక్క. ఈ ఇబ్బంది వల్ల మీ మూడ్ కూడా పాడైపోతుంది. చిరాగ్గా అనిపిస్తుంది. ఉదయమే గోరు వెచ్చని నీళ్లు తాగడం ద్వారా కొంత వరకూ సమస్యను తీర్చుకోవచ్చు. అయితే దీంతో పాటు మరి కొన్ని చిట్కాలు పాటిస్తే క్రమంగా సమస్య దూరమవుతుంది. అవేంటో చూద్దాం.ఇలా చేయండి
ఉదయమే విపరీతంగా గ్యాస్ వస్తున్నా, పొట్ట ఉబ్బరంగా అనిపించినా ఓ చిట్కా తప్పనిసరిగా పాటించాలి. అదేంటంటే..హెర్బల్ టీ తాగడం. అంటే..పుదీన, జీలకర్ర, వాము, కొత్తిమీర, పసుపు లేదా పెప్పర్ మింట్ లాంటి వాటిని వాడుతూ టీ తయారు చేసుకోవాలి. వీటిలో ఏదైనా ఓ టీ తాగడం వల్ల చాలా త్వరగా రిలీఫ్ వస్తుంది. గ్యాస్ తగ్గిపోతుంది. జీర్ణ వ్యవస్థలోని కండరాలను కాస్తంత వదులుగా మార్చి గ్యాస్ అంతా బయటకు వెళ్లిపోయేందుకు ఈ టీలు సహకరిస్తాయి. ఉదాహరణకు జీలకర్ర విషయానికొస్తే..ఇందులో యాంటీ ఇన్ ఫ్లమేషన్ గుణాలు ఎక్కువగా ఉంటాయి. అదే విధంగా సోంపులోనూ ఇవే గుణాలు ఎక్కువగా కనిపిస్తాయి. ఇక పుదీనాలో యాంటీ ఆక్సిడెంట్స్ ఉంటాయి. కొత్తిమీర, వాము, పసుపు కూడా ఆరోగ్యానికి ఎంతో మేలు చేస్తాయి. ముఖ్యంగా పొట్టను క్లీన్ చేసేస్తాయి. వీటిలో ఏ టీ తాగినా సరే చాలా త్వరగా ఉపశమనం లభిస్తుంది.
నడక మంచిది
ఫిజికల్ యాక్టివిటీ పెద్దగా లేకపోయినా కూడా గ్యాస్ వస్తుంది. జీర్ణ వ్యవస్థ చాలా నెమ్మదిగా పని చేస్తుంది. దీని వల్ల పొట్ట పట్టేసినట్టుగా అవుతుంది. అందుకే..తప్పనిసరిగా వీలు చేసుకుని మరీ వాకింగ్ చేయాలి. ఎప్పుడైతే శరీరంలో కదలికలు వస్తాయో అప్పుడు జీర్ణ వ్యవస్థ యాక్టివ్టేట్ అవుతుంది. కనీసం పది నిముషాల పాటు వాకింగ్ చేసినా సరిపోతుంది. ఈ మాత్రం వ్యాయామంతో పొట్టలో పేరుకుపోయిన గ్యాస్ అంతా బయటకు వచ్చేస్తుంది. ఉబ్బరం అంతా తగ్గుతుంది. అయితే..ఇదే సమయంలో వాకింగ్ తో పాటు బ్రీథింగ్ ఎక్సర్ సైజ్ లు కూడా చేస్తే ఇంకా మంచిది. వీటి వల్ల కూడా రిలీఫ్ వస్తుంది. పొట్టపై కాస్తంత మసాజ్ చేసినా ఇంకా బెటర్. ఇలా అయితే ఇంకాస్త వేగంగా ఉపశమనం లభిస్తుంది. మలవిసర్జన కూడా సాఫీగా జరుగుతుంది.
హైడ్రేట్ అవుతున్నారా
పొట్టలో గ్యాస్ పెరగడానికి, ఉబ్బరంగా అనిపించడానికి ముఖ్యమైన కారణం శరీరంలో తగినంత నీరు లేకపోవడం. మలవిసర్జన సాఫీగా జరగకపోవడానికి కూడా ఇదే కారణం. అందుకే..వీలైనంత వరకూ హైడ్రేట్ అయ్యేందుకు ప్రయత్నించాలి. అయితే మామూలు నీరు కాకుండా వాటికి ఇంకేవైనా పదార్థాలు జోడించి వాటిని తీసుకుంటే ఇంకాస్త త్వరగా రిలీఫ్ వస్తుంది. ఇలాంటి డ్రింక్స్ డిటాక్స్ లా పని చేస్తాయి. శరీరంలో పేరుకుపోయిన అదనపు సోడియం అంతా బయటకు వెళ్లిపోతుంది.
ఎప్పుడైతే సరైన విధంగా నీరు తీసుకోరో అప్పుడు కూడా పొట్ట ఉబ్బరంగా అనిపించేందుకు అవకాశాలుంటాయి. ఉదయమే ఏం తింటున్నారో గమనించుకోవాలి. కొన్ని సార్లు ఈ ఆహారపు అలవాట్లు పొట్ట ఉబ్బరానికి కారణం అవుతాయి. ఇక తినే సమయంలోనూ అసలు హడావుడి పడకూడదు. ఎంత నమిలి తింటే అంత మంచిది. జీర్ణం సరిగ్గా అవ్వాలంటే కచ్చితంగా నమిలి తినాల్సిందే. ఎంత తింటున్నారు, ఏం తింటున్నారు అని గమనించుకుంటే ఇంకా మంచిది.
రాత్రి పూట ఇవి తినకండి
చాలా మంది చేసే పొరపాటు ఏంటంటే..సాయంత్రం పూట హెవీ మీల్స్ తీసుకుంటారు. లేదా మితిమీరి ఆయిల్ ఫుడ్, ప్రాసెస్డ్ ఫుడ్ తింటారు. వీటి వల్ల పొట్ట చాలా త్వరగా ఉబ్బరంగా అనిపిస్తుంది. అందుకు బదులుగా కూరగాయలు, పండ్లు తీసుకోవడం మంచిది. అయితే..క్యాబేజ్, కాలీఫ్లవర్ లాంటివి మరీ ఎక్కువగా తీసుకోకూడదు. ఇవి మితిమీరి తింట ఉదయమే గ్యాస్ సమస్యలు పెరుగుతాయి. అదే సమయంలో ఫ్రక్టోస్ ఎక్కువగా ఉండే పండ్లు తినకూడదు. ఇలాంటి సమస్యలు రాకుండా ఉండాలంటే వీలైనంత వరకూ రాత్రి పూట డిన్నర్ చాలా లైట్ గా తీసుకుంటే మంచిది. వేడి వేడి సూప్స్, ఫైబర్ ఎక్కువగా ఉండే ఆహారం తీసుకుంటే కడుపు ఉబ్బరం, గ్యాస్ లాంటివి రాకుండా ఉంటాయి. వీటితో పాటు రాత్రి పూట కూల్ డ్రింక్స్ కూడా వీలైనంత వరకూ అవాయిడ్ చేస్తేనే మంచిది.
బ్రేక్ ఫాస్ట్
బ్రేక్ ఫాస్ట్ ఏం తింటున్నారో ఓ సారి గమనించుకోండి. కొన్ని పదార్థాలు గ్యాస్ ని తగ్గించి జీర్ణ శక్తిని పెంచుతాయి. పైనాపిల్, బొప్పాయి, కివీలలో నేచురల్ ఎంజైమ్స్ ఉంటాయి. ఇవి ప్రొటీన్ ని ఎక్కువ మొత్తంలో అందిస్తాయి. అవకాడో ద్వారా ఆరోగ్యకరమైన కొవ్వు పదార్థాలు అందుతాయి. ఉబ్బరం తగ్గిపోవాలంటే నాభి వద్ద మసాజ్ చేయాల్సి ఉంటుంది. పెద్ద పేగులో కదలికలు వచ్చి గ్యాస్ అంతా బయటకు వెళ్లిపోవాలంటే మసాజ్ తప్పనిసరి. కేవలం ఫింగర్ టిప్స్ తో కాస్తంత ప్రెజర్ అప్లై చేస్తూ మసాజ్ చేసుకోవాలి. రెండు మూడు నిముషాల్లోనే కాస్త రిలీఫ్ వస్తుంది.
గమనిక :ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి తెలుగు సమయం బాధ్యత వహించదు.