ప్రజాసమస్యల పరిష్కార వేదిక కార్యక్రమంలో అధికారులను కలిసి ప్రజలు తమ సమస్యల పరిష్కారంపై అర్జీలు ఇచ్చేందుకు అవకాశం ఉంటుంది. వారంలో ఒక్క రోజు, అది కూడా సోమవారం మాత్రమే ఈ పీజీఆర్ఎస్ కార్యక్రమం అమలు చేస్తున్నారు. దీంతో ఏదైనా అర్జీ అందించాలంటే సోమవారం వరకూ ఆగాల్సిన పరిస్థితి. అయితే ఇకపై ఈ ఇబ్బంది తప్పనుంది. ప్రజలు అర్జీలు సమర్పించేందుకు ఇకపై సోమవారం వరకూ నిరీక్షించాల్సిన అవసరం లేదు. స్వర్ణ గ్రామ, స్వర్ణ వార్డు కార్యాలయాలలో అన్ని పనిదినాలలో పీజీఆర్ఎస్ కార్యక్రమం నిర్వహించనున్నారు. ఈ మేరకు ఏపీ ప్రభుత్వం ఆదేశాలు జారీ చేసింది.

ఈ ఆదేశాల నేపథ్యంలో ప్రతిరోజూ మధ్యాహ్నం మూడు గంటల నుంచి ఐదు గంటల వరకూ స్వర్ణ గ్రామ, వార్డు కార్యాలయాలలో ప్రజాసమస్యల పరిష్కార వేదిక (పీజీఆర్ఎస్) కార్యక్రమం నిర్వహిస్తారు. ఈ సమయంలో కార్యాలయాల్లో సిబ్బంది కచ్చితంగా అందుబాటులో ఉండాలి. ప్రజలు అందించే అర్జీలను స్వీకరించి, పరిష్కారానికి సంబంధించిన సమాచారం తెలపాల్సి ఉంటుంది. అలాగే ఆయా అర్జీలు, ఫిర్యాదులను సంబంధిత శాఖ అధికారుల వద్దకు పంపించి.. పరిష్కారం కోసం చర్యలు తీసుకోవాల్సి ఉంటుందని ప్రభుత్వం స్పష్టం చేసింది. ముఖ్యంగా రెవెన్యూ, వ్యవసాయ సహాయకులు, సర్వే, పశు సంవర్థక శాఖ, ఇంజినీరింగ్‌ సహాయకులు అందుబాటులో ఉండాలని స్పష్టం చేశారు.

మరింత పారదర్శకంగా పీజీఆర్ఎస్..