తల్లిదండ్రుల్ని చూసే పిల్లలు ఏదైనా నేర్చుకుంటారు. తల్లిదండ్రులు చేసే కొన్ని తప్పులు, చూపించే ప్రవర్తన కారణంగా పిల్లలు వారి పట్ల గౌరవం కోల్పోతారు.

​భార్యాభర్తల మధ్య ఎప్పుడూ ఏదో ఒక గొడవ జరుగుతూనే ఉంటుంది. కానీ పిల్లల ముందు ఎప్పుడూ గొడవ పడకూడదు. తల్లిదండ్రులు పిల్లల ముందు గొడవ పడటం, కోపంతో అరుచుకోవడం, చిన్న చిన్న విషయాలకే పెద్ద పెద్ద కేకలు వేసుకోవడం, దుర్భాషలు వాడటం లేదా ఒకరితో ఒకరు చెడుగా ప్రవర్తించడం వంటివి చేయకూడదు. ఒకవేళ చేస్తే పిల్లల దృష్టిలో తల్లిదండ్రుల పట్ల గౌరవం క్రమంగా తగ్గడం ప్రారంభమవుతుంది. అంతేకాకుండా, తల్లిదండ్రుల ఈ ప్రవర్తన పిల్లల మనస్సులపై చాలా ప్రతికూల ప్రభావాన్ని చూపుతుంది. దీని కారణంగా వారి మానసిక పెరుగుదల కూడా ప్రభావితమవుతుంది.

పిల్లలు తమ తల్లిదండ్రుల ప్రతి మాటను, చర్యను చాలా జాగ్రత్తగా గమనిస్తారు. తల్లిదండ్రులు పదే పదే అబద్దం చెబితే గౌరవం కోల్పోతారు. అంటే వేరే ఎవరికైనా లేదా పిల్లలకే అయినా అబద్ధాలు చెప్పడం చేస్తే.. అదే వారు సరైంది అని నమ్ముతారు. అంతేకాకుండా పిల్లలకు ఫలానాది చేస్తే అని చెప్పి.. మాట తప్పితే.. వారికి మీ మీద నమ్మకం తగ్గడం ప్రారంభమవుతుంది. వీళ్లు ఏది చెప్పినా సరే చేయరు అన్న నమ్మకం వారికి ఏర్పడుతుంది. దీంతో క్రమంగా మీ మీద గౌరవాన్ని కోల్పోతారు.

కొందరు తల్లిదండ్రులు పిల్లల్ని అతి గారాబంగా పెంచుతారు. పిల్లలు అడిగినవన్నీ ఇచ్చేయడం, వారు ఏ తప్పు చేసినా మందలించకుండా వదిలేయడం వల్ల వారికి క్రమశిక్షణ లోపిస్తుంది. తమకు ఏది కావాలంటే అది దక్కుతుందని, తాము ఏం చేసినా చెల్లుతుందని భావిస్తారు. ఇది పెద్దయ్యాక తల్లిదండ్రుల పట్ల అగౌరవానికి దారితీస్తుంది. అందుకే పిల్లల్ని క్రమశిక్షణతో పెంచండి.

కొన్నిసార్లు తల్లిదండ్రులు కోపంగా ఉండి, ఇతరుల ముందు పిల్లలను తిడతారు లేదా ఇబ్బంది పెడతారు. ఈ ప్రవర్తన పిల్లల ఆత్మగౌరవాన్ని దెబ్బతీస్తుంది. ఇది పదేపదే జరిగితే, తల్లిదండ్రులు తనను గౌరవించడం లేదని పిల్లలు అనుకునే ప్రమాదముంది. ఇది పిల్లల మనస్సులో కోపం, దూరానికి దారితీస్తుంది. దీంతో నెమ్మదిగా పిల్లలు తల్లిదండ్రుల నుంచి తనను తాను దూరం చేసుకోవడం ప్రారంభిస్తారు. ఈ పని పిల్లల దృష్టిలో తల్లిదండ్రుల పట్ల గౌరవాన్ని కూడా తగ్గిస్తుంది.