వేణుస్వామిని అప్పుడప్పుడు ఆయా రంగాలకు చెందిన వ్యక్తులు కలుస్తుంటారు. తాజాగా మాజీ మంత్రి పేర్ని నాని దంపతులు వేణుస్వామిని కలిశారు. హైదరాబాద్‌లోని వేణు స్వామి ఇంటికి నాని సతీసమేతంగా వెళ్లారు. పేర్ని నాని దంపతులు తన ఇంటికి ఆతిధ్యానికి వచ్చారని, వారిని ఆశీర్వదించానని వేణు స్వామి సోషల్ మీడియాలో వీడియోను పోస్ట్ చేశారు. పేర్ని నాని దంపతుల్ని శాలువాతో సన్మానించి రాజకీయ రంగ ఉన్నత పదవీ ప్రాప్తిరస్తు, తథాస్తు అని వేణుస్వామి ఆశీర్వదించారు.

వేణు స్వామి సతీమణి వీణ శ్రీవాణి (సత్యవాణి)కి మాజీ మంత్రి పేర్ని నాని సతీమణి సుధ ఓ గిఫ్ట్ ఇచ్చారు. వీణ శ్రీవాణి స్వయంగా వీడియోను షేర్ చేశారు. 'పేర్ని నాని దంపతులు మా ఇంటికి వచ్చారు. పేర్ని సుధ చాలా భక్తి భావంతో ఉంటారు.. ఆమె నాకు మంచి వీణను గిఫ్ట్‌గా ఇవ్వాలని రెండు నెలల నుంచి కష్టపడి వీణను తయారు చేయించి తీసుకొచ్చా నాకు ఇచ్చారు. నాకు చాలా ఆనందంగా ఉంది. పేర్ని దంపతులు తమ ఇంటికి వచ్చి ఆతిథ్యాన్ని స్వీకరించినందుకు చాలా ఆనందంగా ఉందంటూ' వీడియోను పోస్ట్ చేశారు శ్రీవాణి. ఈ వీడియో సోషల్ మీడియాలో వైరల్ అవుతోంది. వేణుస్వామి సతీమణి సత్యవాణి వీణ శ్రీవాణిగా మంచి పాపులర్ అయ్యారు.. దేశవ్యాప్తంగా ఆమె వీణ ద్వార ఎన్నో సంగీత ప్రదర్శనలు ఇచ్చారు.