ముఖ్యంగా 'గేమ్ ఛేంజర్' తర్వాత ప్రేక్షకుల అభిరుచిలో వచ్చిన మార్పులను దృష్టిలో పెట్టుకుని ఈ నిర్ణయం తీసుకున్నారని ఇండస్ట్రీలో వర్గాల్లో వినిపిస్తోంది. ఇటీవలి కాలంలో భారీ బడ్జెట్ సినిమాల కంటే మంచి కథ, బలమైన స్క్రీన్‌ప్లే ఉన్న చిత్రాలకే ప్రేక్షకులు ఎక్కువ ఆదరణ చూపిస్తున్నారు. చిన్న, మధ్యస్థాయి సినిమాలు కూడా బాక్సాఫీస్ వద్ద మంచి విజయాలు నమోదు చేస్తున్న నేపథ్యంలో, దిల్ రాజు కూడా అదే దిశగా అడుగులు వేస్తున్నట్లు తెలుస్తోంది. తక్కువ బడ్జెట్‌తో నాణ్యమైన కథలను తెరకెక్కించి, పెట్టుబడిపై మెరుగైన లాభాలను సాధించాలనే వ్యూహాన్ని అమలు చేయాలని భావిస్తున్నారని సమాచారం.

Also Read :Jubilee Hills: జూబ్లీహిల్స్‌లో కబ్జా ఆరోపణలు.. టాలీవుడ్ నిర్మాతలపై కేసు నమోదు!

ఈ క్రమంలో కొత్త దర్శకులు, యువ హీరోలు, ప్రతిభావంతులైన రచయితలకు అవకాశాలు కల్పించేందుకు దిల్ రాజు ఆసక్తి చూపుతున్నట్లు సినీ వర్గాలు చెబుతున్నాయి. ఇప్పటికే పలు కొత్త కథలను పరిశీలిస్తున్నారని, త్వరలోనే కొన్ని కొత్త ప్రాజెక్టులను అధికారికంగా ప్రకటించే అవకాశం ఉందని ప్రచారం జరుగుతోంది. మరోవైపు ఈ వ్యూహం పూర్తిగా స్టార్ హీరోలకు దూరమవ్వడమనే కాదు, భారీ చిత్రాలతో పాటు, కంటెంట్‌కు ప్రాధాన్యం ఉన్న మీడియం రేంజ్ సినిమాల సంఖ్యను పెంచాలనే ఆలోచనలో దిల్ రాజు ఉన్నట్లు సమాచారం. ఓటీటీ మార్కెట్ విస్తరణ, ప్రేక్షకుల అభిరుచిలో మార్పులు, నిర్మాణ వ్యయాల పెరుగుదల వంటి అంశాలు కూడా ఈ నిర్ణయానికి కారణమయ్యాయని విశ్లేషకులు అభిప్రాయపడుతున్నారు. అయితే ఈ విషయంపై దిల్ రాజు లేదా ఆయన నిర్మాణ సంస్థ నుంచి ఇప్పటి వరకు ఎలాంటి అధికారిక ప్రకటన బయటికి రాలేదు. ఈ ప్రచారం నిజమైతే టాలీవుడ్‌లో కంటెంట్ ఓరియెంటెడ్ సినిమాలకు మరింత ప్రాధాన్యం పెరిగే అవకాశముందని సినీ విశ్లేషకులు అభిప్రాయపడుతున్నారు.