తెలుగుమిర్చి రేటింగ్ : 3/5

హేమంత్ ఆర్ట్స్ పతాకంపై హేమంత్ ఇప్పలపల్లి కథ రాసుకుని తానే దర్శక నిర్మాతగా వ్యవహరిస్తూ తక్కువ బడ్జెట్ తో హై టెక్నికల్ వాల్యూస్ తో, భారతదేశంలోనే అతిపెద్ద ప్రతిష్టాత్మక వి ఎఫ్ ఎక్స్ సినిమాగా చిత్రించబడిన సినిమా "ఫస్ట్ టైం".

ఈ సినిమాలో సౌరబ్ ధింగ్ర హీరోగా పరిచయం అవుతుండగా 'బిగ్ బాస్' ఫేమ్ అఖిల్ సార్థక్ సెకండ్ లీడ్ గా అనిక్క విక్రమన్ హీరోయిన్ గా ఇతర ముఖ్య పాత్రల్లో మైమ్ గోపి, శివ, భూపాల్ రాజు, గాయత్రి గుప్త, అన్నపూర్ణమ్మ, అజయ్ రత్నం, ఢీ పండు నటిస్తున్నారు. శ్రీ వెంకట్ మరియు సూరజ్ ఎస్ కురుప్ సంగీతాన్ని అందించగా వేణు మురళీధర్ మరియు రామ్ సినిమాటోగ్రాఫర్లుగా పనిచేశారు.

కథ :
2304AD లో ఏలియన్స్ తో ప్రారంభమైన సినిమా అసలు ఈ కలియుగం ఎలా అంతమైంది కొత్త సృష్టి కొత్త భారత ప్రపంచం ఎలా తయారయింది అనే అంశంపై చిత్రీకరించబడింది. ఆ ఏలియన్లకు అప్పుడు సృష్టిలో ఉన్న మానవులు ఈ కలియుగంలో జరిగిన సంఘటనలు గురించి వివరిస్తూ ఒక పవిత్రమైన స్త్రీ కొత్త సృష్టికి ఎలా నాంది పలికింది అనే విషయాన్ని తెలియజేస్తారు. అనిక విక్రమన్ (హీరోయిన్) ని ఎలాగైనా పెళ్లి చేసుకోవాలి అని తన బావ భూపాల్ రాజు (విలన్), ఎలా అయినా దక్కించుకోవాలని శివకుమార్ రామచంద్రవరపు (విలన్), అఖిల్ సార్థక్ ప్రయత్నిస్తారు. అలాంటి సంఘటన నుంచి అనికా విక్రమన్ ఎలా తప్పించుకుంది? సౌరబ్ ధింగ్ర ను ఎలా కలుసుకుంది? కొత్త సృష్టి కొత్త భారత ప్రపంచం ఎలా తయారయింది? ఇలాంటి విషయాలు తెలుసుకోవాలంటే ఈ సినిమా చూడాల్సిందే. శ్రీ వెంకట్ అందించిన సంగీతం బ్యాక్ గ్రౌండ్ స్కోర్ బాగున్నాయి.

Also Read :Mr. Work From Home Review: 'మిస్టర్ వర్క్ ఫ్రమ్ హోమ్' రివ్యూ.. మరో 'మహర్షి' అవుతుందా?

నటీనటుల విషయానికొస్తే :
సౌరబ్ ధింగ్ర పరిచయమైన తొలి చిత్రం అయిన మంచి నటనను కనబరిచారు. అనిక విక్రమన్ నటన మరియు అందచందాలు ప్రత్యేక ఆకర్షణగా నిలుస్తాయి. భూపాల్ రాజు శివకుమార్ అఖిల్ సార్థక్ ఎవరి పాత్రలో వారు ఒదిగిపోయారు. మైమ్ గోపి, అజయ్ రత్నం, అన్నపూర్ణమ్మ, గాయత్రి గుప్తా పాత్రలు ప్రత్యేక ఆకర్షణగా నిలుస్తాయి.

టెక్నికల్ :
ఈ ఫస్ట్ టైం మూవీ ని AI ని ఎక్కడ వాడకుండా HI హ్యూమన్ ఇంటలిజెన్స్ తో HI హేమంత్ ఇప్పలపల్లి ఎంతో ప్రతిష్టాత్మకంగా నిర్మించే దర్శకత్వం వహించారు. తక్కువ బడ్జెట్ లో హైటెక్నికల్ వాల్యూస్ తో ఎక్కడ కాంప్రమైజ్ అవ్వకుండా ఒక న్యూ ఏజ్ సినిమాను అందించారు. గతంలో వి ఎఫ్ ఎక్స్ అనుభవంతో చాలా గ్రాండ్ విజువల్స్ ని అందించారు. వేణు మురళీధర్ మరియు రామ్ సినిమాటోగ్రఫీ పనితీరు విజువల్స్ అద్భుతంగా ఉన్నాయి.